हामी सबैकाे संसारन्यूज

३० फागुन, काठमाडौं । काम, काम, काम । जति व्यस्त भएपनि समय समयमा मिर्गौला जँचाउन नभुल्नुहोला । किनकि मिर्गौला खराब भएको कुनै लक्षण देखिदैन । ज्यान स्वस्य देखिँदा देखिँदै पनि खराब हुन सक्छ । जब लक्षण देखिन्छ कामै नलाग्ने भइसक्छ ।
विशेषज्ञ भन्छन्–तीन लाख नेपालीलाई आफ्नो मिर्गौला विग्रीएको थाहा छैन । तर नआत्तिनुस् । अति सानो परीक्षणले नै बिग्रन थालेको थाहा हुन्छ । रोकथामको सजिलो उपाय भनेको बेला बेलामा जँचाउनु हो ।
‘जब मिर्गौला बिग्रन्छ तब मात्र स्याँ स्याँ गर्दै अस्पताल आउने चलन छ,’ वरिष्ठ मिर्गौला रोग विशेषज्ञ ऋषि कुमार काफ्लेले भने, ‘वर्षमा एकपटक जँचाए मात्र पनि मिर्गौला स्वस्थ्य राख्न सकिन्छ ।’ विहिबारको अन्न्पूर्णपोष्ट  दैनिकमा दिनेश गौतमले लेखेका छन् ।