हामी सबैकाे संसारन्यूज

१ चैत, काठमाडौं । सरकारले नेपाली सेनाका लागि गोली गठ्ठा उत्पादन गर्न प्लान्ट (एम्युनेस) किन्ने भएको छ । यसअघि महँगो भएको भन्दै सरकारले नै यसको प्रक्रिया रोकेको थियो । तर, फेरि त्यही मूल्यका किन्न्न लागिएको छ । यस विषयमा लामो समयदेखि बिचौलियाको चासो रहँदै आएको छ ।
कांग्रेस सभापति शेर बहादुर नेतृत्वको अघिल्लो सरकारले चार अर्ब रुपैयाँमा प्लान्ट किन्ने निर्णय गरेको थियो । प्रधानमन्त्री केपी ओलीले मूल्य भन्दा करिब डेढ अर्ब महँगोमा किन्न रोक्न निर्देशन दिएका थिए ।
बीचमा अचानक रहस्यमय ढंगले प्रधानमन्त्रीको निर्देशन उल्लंघन गर्दै प्रक्रिया सुरु गरिएको छ । रक्षा मन्त्रालयले एलसी खोल्न दुई महिना अघि अनुमति दियो । राष्ट्र बैंकले त्यसको फाइल रोक्यो । गर्भनर चिरञ्जीवी नेपालको सक्रियतामा गत साता एलसी खोल्ने प्रक्रिया थालेको छ । शुक्रबारको अन्नपूर्ण दैनिकमा शम्भु कट्टेलले लेखेका छन् ।