हामी सबैकाे संसारन्यूज

३ चैत, काठमाडौ । सेवा आश्रम काठमाडौले सिनामंगलस्थित सडक पेटीबाट एक असहाय वृद्धको उद्धार गरेको छ । खुकुलाल महर्जन नाम बताउने अन्दाजी ८० वर्षीय, वृद्धलाई गए राती १२ बजे उद्धार गरिएको र अहिले उनलाई सामाखुसीस्थित आश्रममा राखिएको छ ।

कसैले केही दिए खाने नत्र भोकै बस्नुपर्ने बाध्याताका बीच सडक जीवन बिताउँदै आएका महर्जनले दाइले घर बेचेर गाउँ गएपछि आफु सडकमा बस्दै आएकमे बताए । मनमैजु निवासी मुना राइले कार्यालय आउजाउ गर्दा वृद्ध व्यक्ति सडकपेटीमा सुतिरहेको देखेपछि आश्रमलाई खबर गरेका थिए । त्यसपछि आश्रमको टोली उद्धारमा गएको हो । कुकुरसँगै सुतिरहेको अवस्थामा उनलाई गए राति फेला पारिएको आश्रमका काठमाडौ संयोजक सुमन बर्तौलाले जानकारी दिए । आइतबारको नागरिक दैनिक बाट ।