हामी सबैकाे संसारन्यूज

३ चैत, काठमाडौं । नेपाल दूरसञ्चार प्राधिकरणले समान खरिदमा अनियमितता गरेको छ । महालेखा परीक्षकको आर्थिक वर्ष ०७४÷०७५ को प्रतिबेदनमा प्राधिकरण आर्थिक विनियमावली, २०७३ को विनियम २० मा भएको खरिद सीमा सम्बन्धी व्यवस्थाभन्दा बाहिर गएर सामान खरिद तथा कम्पनीहरुसँग सम्झौता गरेको उल्लेख छ ।

प्रतिबेदन अनुसार यो वर्षमात्रै प्राधिकरणले करिब ६० लाख भन्दा बढीको सामान खरिदमा अनियमितता गरेको छ । प्राधिकरण आर्थिक विनियमावलीमा बार्षिक पाँच्लाखसम्मको निर्णय कार्य मालसमान र अन्य सेवा वा पारमर्श सीधै खरिद गर्न सकिने उल्लेख छ ।

२० लाखसम्मको सिलबन्दी दरभाउ पत्रबाट खरिद गर्नुपर्ने र त्यसभन्दा बढी जतिसुकै भए पनि बोलकबोलबाट गर्नुपर्ने व्यवस्था छ । यसैगरी विनिमय ११२ (२) मा एक आर्थिक वर्षमा एकपटक वा पटक–पटक गरी सीमा भन्दा बढी रकमको वा एउटै व्यक्ति कम्पनी फर्म वा संस्थाबाट एक पटकभन्दा बढी सोझै खरिद गर्न नसकिने व्यवस्था छ ।

प्राधिकरणले विनियमावलीकोव्यवस्था प्रतिकूल १५ लाख बराबरको सामान सीधै खरिद गरेको छ । डेक्सटप कम्युटर खरिदमा यो रकम खर्च गरिएको छ ।
अन्नपूर्णपोष्ट दैनिकमा रन्जनहरि कोइरालाले लेखेका छन् ।