Sansar News
३ चैत, कैलाली । उनीहरु नेपालकै बासिन्दा हुन् । सरकारी काम परे गाउँपालिकामै पुग्नुपर्छ । तर उनीहरुले बर्सेनी भारतीय प्रशासनलाई बर्सेनी तिरो तिर्छन् । तिरोमा नगद र जिन्सी दुवै पर्छन् ।
नेपाल भारतको सीमा नदी मोहनापारी भारतको दुदुवा राष्ट्रिय निकुन्जसँग जोडिउका कैलारी गाउँपालिका ३ का मोहनपुर र शिवरत्नपुर तथा ७ को हौसलपुरका बासिन्दाले हरेक माघ १ मा निकुन्ज प्रशासनलाई वार्षिक तिरो तिर्छन् । मोहनपुरका ६१ घरपरिवारले चन्दन चौकी वन पोस्टमा १० किलो चामल र ५ किलो हल्दी बुझाउने गरेका छन् ।
शिवरत्नपुरका ८४ घरपरिवारले वार्षिक प्रतिघर ३ सय रुपैयाँ निकुन्ज प्रशासनलाई बुझाउँदछन् । हौसलपुरका ३५ परिवारले ४ पसेरी १० किलो चामल निकुन्जलाई दिँदै आएका छन् । आइतबारको कान्तिपुर दैनिकमा मोहन बुढाऐरले लेखेका छन् ।
वि.सं.२०७५ चैत ३ आइतवार ०७:५७ मा प्रकाशित
