Sansar News
४ चैत, काठमाडौं । चीनले महत्वकांक्षी परियोजना बेल्ट एण्ड रोड इनिसियटिभ (बिआरआई) को दोस्रो अन्तराष्ट्रिय सम्मेलनमा राष्ट्रपति विद्यादेवी भण्डारीलाई विशेष महत्व र सम्मान दिने भएको छ ।
चीनले नेपालको राष्ट्रपतिलाई बेइजिङमा पहिलोपल्ट रातो कार्पेट ओछ्याउन लागेको हो ।
अघिल्ला राष्ट्रपति रामबरण यादवले दुईपटक चीन भ्रमण गरेपनि बेइजिङमा आमन्त्रण भएको थिएन । चीनले दक्षिण एसियाको ढोकाका रुपमा नेपाललाई प्रस्तुत गर्दै राष्ट्रपतिलाई उच्च प्राथमिकतामा राखेर भ्रमणलाई दिपक्षीय बनाउने भएको छ ।
त्यस क्रममा प्रधानमन्त्री केपी ओलीको भ्रमणमा भएका सहमति कार्यान्वयनमा लैजान छुट्टै समझदारी समेत हुनेछ ।
सोमबारको अन्नपूर्णपोष्ट दैनिकमा चन्द्रशेखर अधिकारीले लेखेका छन् ।
वि.सं.२०७५ चैत ४ सोमवार ०७:५३ मा प्रकाशित
