हामी सबैकाे संसारन्यूज

४ चैत, काठमाडौ । गाडी चलाउँदा मोबाइल फोनमा कुरा गर्ने २९ हजार भन्दा बढी चालक कारबाहीमा परेका छन् । उनीहरुबाट जरिवानास्वरुप ट्राफिक प्रहरीले १ करोड ७३ लाख राजश्व उठाएको छ । यो कारबाहीमा कम्तीमा पाँच सय नरिवाना तोकिएको छ ।

गत वर्ष ०७४- ०७५ मा देशभर गाडी चलाउँदै गर्दा मोबाइलमा कुरा गर्ने २९ हजार ३ सय ५ चालक कारबाहीमा परेको प्रहरी प्रधान कार्यलयले जनाएको छ । अघिल्लो वर्षको तुलनमा यो तीन गुणा बढील हो । आव ०७३-०७४ मा १० हजार ८८ चालक कारबाहीमा परेका थिए । गाडी चलाउने क्रममा मोबाइल फोनको प्रयोग दुर्घटनाको एउटा प्रमुख कारण रहेका ट्राफिक प्रहरी बताउँछन् । सबैभन्दा धेरै पूर्वी क्षेत्रका चालक कारबाहीमा परेका छन् । गत वर्ष काठमाडौ उपत्यकामा एउटै चालक कारबाहीमा नपरे पनि यो वर्ष धेरै कारबाहीमा परेको महानगरीय ट्राफिक महाशाखाका प्रमुख एसएसपी वसन्त पन्तले बताए । सोमबारको नयाँ पत्रिकामा नवराज मैनालीले लेखेका छन् ।