हामी सबैकाे संसारन्यूज

५ चैत्र, काठमाडौं । नेपाली कांग्रेसका महामन्त्री डा शशांक कोइरालाले कांग्रेस धर्म निरपेक्षतासँगै संघीयता र गणतन्त्रबारे जनमत संग्रह गर्न तयार रहेको बताएका छन् ।

बुधबार टोखास्थित आफ्नै निवासमा आयोजना गरिएको होलीको शुभकामना आदानप्रदान कार्यक्रममा कोइरालाले धर्म, संघीयता र गणतन्त्र बारे जनमत संग्रह गर्नुपर्ने बताउँदै आफ्नो पार्टी त्यसको लागि तयार रहेको बताएका हुन् ।

गणतन्त्र, धर्म निरपेक्षता र संघीयतासहितको २०७२ को संविधान जारी गर्न सक्रियतापूर्वक लागेका कोइरालाले यस्तो विवादस्पद् टिप्पणी दिएपछि राजनीतिक क्षेत्र तरङ्गित बनेको छ । केही समयदेखि हिन्दू धर्मको माग गर्दै लोकप्रियता बढाउन खोजेका कोइरालाले दिएको यो अभिव्यक्ति संविधान विपरित भएको प्रष्टै छ । कांग्रेस सुत्रका अनुसार यो उनको नितान्त व्यक्तिगत धारणा हो ।