Sansar News
१५ चैत, काठमाडौं । प्रश्न पत्र बाहिरीएपछि प्रदेश २ मा बिहिबार एसईँईँ परीक्षा रद्द गरिएको छ । बिहान ८ बजे परीक्षा सुरु हुनु अघि नै सप्तरीका विभिन्न व्यक्तिले सामाजिक संजाल फेसबुकमा विज्ञान विषयको प्रश्नपत्र ‘सेयर’ गरिसकेका थिए ।
लगत्तै जिल्ला परीक्षा समन्वय समिति बैठकले परीक्षा रद्द गर्न राष्ट्रिय परीक्षा बोर्ड र परीक्षा नियन्त्रण कार्यालयमा सिफारिस गरेको हो ।
रद्द परीक्षा चैत २२ गते लिइने परीक्षा नियन्त्रक विष्णुप्रसाद अधिकारीले बताए । प्रश्नपत्र बाहिरीएको घटना छानविन गवर्न बोर्डले अमोदा श्रेष्ठको संयोजकत्वमा चार सदस्यीय टोली गठन गरेको छ ।
शुक्रबारको कान्तिपुर दैनिकमा राजविराजबाट अवधेश कुमार झाले लेखेका छन् ।
वि.सं.२०७५ चैत १५ शुक्रवार ०७:४५ मा प्रकाशित
