हामी सबैकाे संसारन्यूज

१५ चैत, भक्तपुर । भक्तपुर नगरपालिकाका प्रमुख सुनिल प्रजापतिलेले रानीपोखरी पुननिर्माणका लागि आवश्यक सहयोग गर्न भक्तपुर नगरपालिका तयार रहेको बताएका छन् । काठमाडौ महानगरपालिकाका वडाध्यक्षहरु र रानीपोखरी पुननिर्माण उपभोक्ता समितिका पदाधिकारीहरुसँग बिहीबार नगरपालिकामा भएको भेटमा प्रमुख प्रजापतिले पुननिर्माणका लागि आवश्यक दक्ष जनशक्ति, परम्परागत सीप र परम्परागत निर्माण सामग्रीलगायत आवश्यक सहयोग गर्न नगरपालिका तयार रहेको बताए ।

भेटमा प्रमुख प्रजापतिले नगरपालिकाले शिक्षा, स्वास्थ्य र सम्पदा संरक्षणमा जोड दिइरहेको बताउँदै शिशु स्याहारहरु र विभिन्न कलेज सन्चालन गरिरहेको बताए ।उनले नगरपालिकाले स्थानीय पाठ्यक्रम तयार गरी अध्यापन गरिरहेको जनाए । प्रतिनिधिमण्डलले भेटमा काठमाडौको रानीपोखरी पुननिर्माणको लागि भक्तपुर नगरपालिकाबाट आवश्यक प्रविधि र जनाशक्ति उपलब्ध गराई सहयोग गरिदिन आग्रह गरे । शुक्रबारको नागरिक दैनिकबाट ।