दिपेश पुनको वालबाट
१८ चैत, काठमाडौं । बारा र पर्सामा आइतबार साँझ आएको वर्षासँगैको हावा हुरीका कारण ज्यान गुमाउनेको संख्या २६ पुगेको छ भने ५०० भन्दा बढी घाईते भएका छन् ।
उद्धारकार्य जारी रहेको र घाईतेहरुको नारायणी लगायतका उस्पतालमा उपचारका लागि लगिएको गृह मन्त्रालयले जनाएको छ ।
गृहमन्त्रालयका प्रवक्ता रामकृष्ण सुवेदीका अनुसार उद्धार कार्य जारी रहेको र अहिलेसम्म २६ जनाको मृत्यु भएको गृहमन्त्रालयको तथ्यांकमा आएको बताएका छन् ।
‘उद्धार कार्यका लागि, नेपाली सेना, प्रहरी, शसस्त्र, स्थानीय तहका प्रतिनिधिहरु सबै जुटिसकेका छन् । सीमरामा नेपाली सेनाको हेलिकप्टर स्टाण्ड बाइ छ । आवस्यक परेमा गम्भीर विरामीहरुलाई काठमाडौं ल्याइनेछ ।’ प्रवक्ता सुवेदीले संसारन्युजसँग भने, ‘घाईतेको संख्या ५०० पुगे पनि ती सबै गम्भीर होईनन्, केही सामान्य सपचार गरेर घर फर्किसकेका छन् ।’
प्रवक्ता सुवेदीका अनुसार काठमाडौंबाट त्रिपाल लगायतका सामग्री प्रभावित क्षेत्रमा पठाइसकिएको छ ।
अहिले अस्पतालमा उपचार कार्य जारी रहेको र उपचारका लागि बेड तथा रगतको अभाव भएका कारण रक्तदानका लागि आव्हान समेत गरिएको छ ।
हावाहुरीका कारण सबैभन्दा ठूलो क्षति बाराको भरवलीयामा भएको तथा अन्यमा भलुही, परसौन, बिजवनिया पुरैनिया लगायतका स्थानमा देखिएको पनि जिल्ला प्रहरी कार्यालय बाराले जनाएको छ ।
आइतबार राति ८ बजेको समयमा भएको उक्त घटनाप्रति प्रधानमन्त्री केपी शर्मा वलीले दुःख व्यक्त गर्दै उद्धारका लागि कुनै कमि हुन नदिन सम्बन्धीत निकायलाई निर्देशन दिएका थिए ।
बारा र पर्सामा आएको भीषण हावाहुरीले २५ को ज्यान गयो, ४०० बढी घाईते
वि.सं.२०७५ चैत १८ सोमवार ०७:३८ मा प्रकाशित
