२० चैत, काठमाडौ । आमविद्यार्थीको हकहितका नाममा गठन भएका विभिन्न विद्यार्थी संगठनहरु आफ्नो उद्धे्श्य बाट बिचालित हुन थालेका छन् । शैक्षिक क्षेत्रमा व्यापक ठगी र विकृति बढिरहेको संगठनहरु भने मौनता साँधेर बसिरहेका छन् ।
विगतमा शैक्षिक क्षेत्रमा विकृति बढ्दा विद्यार्थी संगठनहरुले त्यसविरुद्ध आन्दोलन चर्काउँदै प्रभावकारी भूमिका खेलेका थिए । तर अहिले उनीहरु मौन बस्दा शैक्षिक क्षेत्रमा विकृतिका चाङ बढेको विश्लेषण यस क्षेत्रका अगुवाहरुले गरेका छन् । शिक्षाविद् डा. मनप्रसाद वाग्लेले विद्यार्थी संगठन साच्चै नै कमजोर देखिएको बताए ।
उनले शिक्षा क्षेत्रमा देखिएका विकृति अन्त्य गर्न विद्यार्थी संगठन सक्रिय भएर लाग्नुपर्ने आवश्यकता औँल्याए । निजी स्कुल बन्द गर्नैपर्छ । विद्यार्थी संगठनले निजी विद्यालयको नियमन र निगरानी गरेर मात्र हुदैन । बन्द गर्ने अभियानलाई सशक्त बनाउनुपर्छ, शिक्षाविद् बाग्लेले भने । बुधबारको राजधानी दैनिकमा प्रशान्त वलीले लेखेका छन् ।
वि.सं.२०७५ चैत २० बुधवार ०७:५६ मा प्रकाशित
