हामी सबैकाे संसारन्यूज

२० चैत, काठमाडौ । जल तथा मौसम पूर्वानुमान महाशाखाले बुधबार मुलुकका विभिन्न भागका केही स्थानमा मेघ गर्जनसहित हावाहुरी र वर्ष हुने अनुमान गरेको छ । हावाहुरीको क्षमताबारे भने महाशाखाले प्रस्ट्याएको छैन । महाशाखाकी मौसमविद् शान्ति कँडेलले हावाहुरीको गति र क्षमता भन्न नसकिने बताइन् ।

प्रि–मनसुनका बेला मेघगर्जनसहित चट्याङ र वर्षसँगै हावासमेत चल्ने भएकाले सर्वसाधारणलाई सचेत गराउने उद्धेश्यले मात्र हावाहुरी शब्द बुलेटिनमा समेट्न सुरु गरिएको उनले बताइन् । प्रि–मनसुन अवधिका विभिन्न गतिविधिमध्ये हावाहुरी पनि एक हो, उनले भनिन्, आइतबारको घटनाले सर्वसाधारणलाई झक्झक्याएकाले सचेत गराउन खोजिएको हो ।

महाशाखाले मंगलबार बेलुकी तीन दिनको मौसमी अवस्था प्रक्षेपण गर्दै बुधबार (आज) दिउँसो पूर्वी भूभागका थोरै स्थान, मध्य र पश्चिमका एक-दुई स्थानमा हावाहुरीसिहत वर्ष हुने उल्लेख गरेको छ । बुधबारको कान्तिपुर दैनिक बाट ।