२० चैत, काठमाडौ । पनौती नगरपालिकाले अविवाहित महिलालाई आफ्नै स्रोतबाट मासिक भत्ता दिने गरेको छ । नगर क्षेत्रका एक सय एक अविवाहित महिलाले मासिक रुपमा नगरपालिकाबाट भत्ता पाउँदै आएका नगरपालिकाको सामुदायिक विकास शाखा प्रमुख केशव बन्जराले जानकारी दिए । ३५ वर्ष पुरा भएका अविवाहित महिलालाई नगरपालिकाले मासिक एक हजार रुपैयाँका दरले भत्ता दिने गरेको हो ।
महिलालाई पनि नगरपालिकाले भत्ता दिने गरेको छ । अविवाहित महिलालाई पनि एकल महिलाकै सूचीमा राखेर भत्ता दिने गरिएको बन्जराले बताए । एकल महिलाको सूचीमा ३५ वर्ष पूरा भएका अविवाहित महिला,एकल, पति बेपत्ता भएका र सम्बन्ध विच्छेद गरेका महिलालाई राखिएको छ । पनौती नगरपालिकाभित्र ३५ वर्ष उमेर पूरा भएका अविवाहित महिलाको संख्या एक सय एक छ । बुधबारको नयाँ पत्रिका दैनिकमा इन्द्रबहादुर थापाले लेखेका छन् ।
वि.सं.२०७५ चैत २० बुधवार ०७:२६ मा प्रकाशित
