हामी सबैकाे संसारन्यूज

२० चैत, काठमाडौ । काठमाडौको कलंकीमा रहेको हाम्रो हात नेपाल प्रालीले रोजगारीको नाममा रामेछापका १७ युवालाई ठगेको छ । संस्थाले युवाको क्षमता हेरेर मासिक २८ हजारदेखि ३० हजार रुपैयाँसम्मको जागिर दिने भन्दै १७ जना युवाबाट प्रतिव्यक्ति १० हजारका दरले पैसा उठाएर ठगी गरेको हो ।

कृषि, वन, इन्स्योरेन्स, बैंक, सन्चार, होटल, व्यापारजस्ता क्षेत्रमा तालिम र रोजगारी दिने भन्दै संस्थाले आफुजस्ता १७ युवाबाट १० हजार रुपैयाँका दरले असुलेको ठगीमा परेका युवा खिलबहादुर थापाले बताए ।

तपाईहरुले रोजेको विषयमा १५ दिनको तालिम र रोजगारी दिन्छौ, नभए रुपैयाँ फिर्ता गरौला भनेका थिए, थापाले भने, रुपैया असुलेर रोजगारी नदिई अलपत्र पारे । पैसा लिए पनि संस्थाले आफुले चाहेजस्तो तालिम र रोजगारी नदिएको उनको गुनासो छ ।

शर्तअनुसार रोजगारीको मगा गरेपछि केहीलाई चितवनको एक कृषिमा फर्ममा पुर्याएर संस्थाका पदाधिकारी फरार भएका थापाको भनाइ छ । बुधबारको नयाँ पत्रिकामा दीपक भट्टले लेखेका छन् ।