हामी सबैकाे संसारन्यूज

२० चैत, काठमाडौं । माध्यमीकम शिक्षा परीक्षा (एसईई) अन्तर्गत गत १४ र १५ गते भएको विज्ञान र सामाजिक विषयको प्रश्नपत्र प्रदेश २ मा बाहिरीएको घटनामा प्रहरीको संलग्नता देखिएको छ । घटना छानबिन गरिरहेको नेपाल प्रहरीको केन्द्रीय अनुसन्धान व्युरो (सी आईबी) ले सिराहाको इलाका प्रहरी कार्यालय कल्याणपुरमा कार्यरत दुई प्रहरी जवान ब्रम्हदेव सुनैरत र दीपेन्द्रकुमार मण्डललाई नियन्त्रणमा लिएको छ । यसलाई व्युरो र प्रहरी प्रधान कार्यालय दुवैले गोप्य राखेका छन् ।

प्रश्नपत्र बाहिरीएलगत्तै राष्ट्रिय परीक्षा बोर्ड र प्रदेश २ सरकारले गठन गरेका समितिले छुट्टाछुट्टै छानविन गरेका थिए । दुवै समितिले अनुसन्धान जारी रहेको बताइरहेका बेला सीआइबीले प्रहरी जवानलाई नियन्त्रणमा लिएको हो ।

एक उच्च प्रहरी अधिकारका अनुसार सोमबार बिहान काठमाडौं ल्याइएका दुवैलाई हतकडी लगाइएको छ । उनीहरु दुवैलाई दिनभरी सीआईबी कार्यालयमा राखेर सोमबार साँझ प्रहरी प्रधान कायर्षलय अन्तर्गतको एक नम्बर गणमा पु¥याइएको थियो । बुधबारको कान्तिपुर दैनिकमा जनकराज सापकोटा र सुदीप कैनीले लेखेका छन् ।