Sansar News
२० चैत, काठमाडौं । मीटूमार्फत् आफूलाई यौन दुव्र्यवहारको गलत आरोपमा फसाइएको जिकिर गर्दै मेक्सिन रकस्टार अर्मान्डा भेगा गिलले आत्महत्या गरेका छन् ।
मीटू मेक्सिकनम्यूजिसियन नामक ह्यागट्यागमार्फत एक महिलाले आफू १३ वर्षको हुँदा अर्मान्डोले यौन दुव्र्यवहार गरेको आरोपसहित सामाजिक सञ्जालमा लेखेकी थिइन् ।
जुनबेला संगीतकार ५० वर्षको भएको बताइएको छ । उक्त युवतीले आफ्नो परिचयभ ने गोप्य राखेकी थिइन् । मेक्सिकन एक रक ब्यान्डका बेसिस्ट ६४ वर्षीय अर्मान्डोले आफू निर्दोष रहेको र आरोप असत्य रहेको लामो स्टाटसको ‘सुसाइडको नोट’ ट्विट गरी घरमै आत्महत्या गरेका थिए ।
‘म माथि लगाइएको त्यो बेनामे आरोप सरासर झुट हो भनेर मैले भन्न जरुरी हुनेछ,’ अर्मान्डोले आत्म्हत्या गर्नुअघि लेखेको चिठीमा भनेका छन, ‘र मेरो यो मृत्यु गल्ती स्वीकारको कदमको रुपमा पनि नबुझिदिनिुहोला । म इमानदार हुनुको प्रमाण हो । म मेरो छोराको भविष्यको बाटोमा कुनै अवरोध नहोस् भन्ने चाहान्छु ।’
उनको ८ वर्षीया छोरा छन् भने श्रीमतीसँग सम्बन्ध विच्छेद भइसकेको छ । आरोपपछि मान्छेले शंका गर्न थालेको र आफूले सामाजिक संजालमा प्रतिरक्षा गर्न नसकेको भन्दै यसले आफ्नो करिअर नै समाप्त हुनेछ भन्ने उल्लेखसमेत उक्त पत्रमा गरेका छन् । विहिबारको कान्तिपुर दैनिकमा समाचार छ ।
वि.सं.२०७५ चैत २० बुधवार ०८:२७ मा प्रकाशित
