back

न्यायालयको गरिमा धुलिसात भएको वरिष्ठ अधिवक्ता रमणको आरोप

वि.सं.२०७५ चैत २५ सोमवार

108 

shares
NTC AD
Global IME AD

२५ चैत, काठमाडौं । वरिष्ठ अधिवक्ता रमण श्रेष्ठले न्यायालयको गरिमा धुलिसात भएको बताएका छन् ।

न्याय परिषद्ले सर्वोच्च अदालतसँगै उच्च अदालतमा हालै गरेको १८ न्यायाधिश नियुक्ति सिफारिस विवादित बनिरहेका बेला वरिष्ठ अधिवक्ता श्रेष्ठको यस्तो अभिव्यक्ति आएको हो ।

अधिवक्ता श्रेष्ठले प्रजातन्त्र पुर्नस्थापनाअघि पञ्चायतकालमा न्यायालयको गरिमा उच्च रहेको बताउँदै अहिले न्यायालयको गरिमा धुलिसात पार्ने काम भएको र पञ्चयतकालमा भन्दा पनि लथालिंग र भताभुंग अवस्थामा रहेको अभिव्यक्ति दिएका छन् ।

उनले सर्वोच्च केटाकेटी खेलाउने थलो नभइ कुशल न्याय सम्पादन गर्ने ठाउँ भएकाले कसैलाई पनि अभ्यास गराएर न्यायाधिश बनाउने थलो नभएको बताएका छन् ।
सर्वोच्चमा योग्य व्यक्ति लैजानुपर्ने बताउँदै उनले भनेका छन्, ‘यहाँको न्यायाधिश हुन कम्तिमा १५ वटा मुद्दामा उसले फैसला गरेको हुनुपर्छ । न्याय सम्पादनको कुशलता र नजिर स्थापना पनि उत्तिकै महत्वपूर्ण हुन्छ । तर, प्रधानन्यायाधिश यसमा निकै बहकिनु भयो । न्याय परिषद्का सदस्यले फलानो नभई हुँदैन भनेपछि त्यहाँ राम्रा मान्छे छान्ने भन्दा नराम्रा मान्छेको लागि प्रतिष्प्रर्धा चलेको देखियो । यो लज्जा र बिडम्वनाको कुरा हो ।’

अधिवक्ता श्रेष्ठले अहिले सिफारिस गरेका व्यक्तिले भोली गरेका राम्रानराम्रा कामहरुको अपजस आफ्नो थाप्लोमाथि आउने हुनाले प्रधानन्यायाधिशले योग्य व्यक्ति छान्नु पर्दथ्यो भन्दै कुनै रोस्टरै नबनी छलफल नै नगरी, मापदण्ड नै नबनाई न्यायधिश सिफारिस गरेकोमा बिडम्बनापूर्ण भएको भन्दै खेदप्रकट गरेका छन् ।

‘न्यायलय अस्तव्यवस्त छ । यहाँ सुधार गर्नुपर्ने कुरा कति हो कति । बेहिसाव छन् । प्रवेशद्धारदेखि नै जनताले दुःख पाइरहेका छन् । ढिलो न्याय दिनु न्याय नदिनु हो भनिन्छ । तर, न्यायालयले यसमा ध्यान दिन सकेको छैन । वर्षौदेखि न्याय नपाएर जनता तड्पिएका छन्’ न्यायालयका बेतिथिबारेमा सोधिएको प्रश्नमा उनले भने,‘यसबाहेक अनियमितता, भ्रष्टाचार पनि उत्तिकै छन्, न्यायालयमा । कामगर्ने तौरतरिका र पद्दतिमा पनि समस्या छ । परिणामत : न्याय सम्पादनमा त्यसको असर परेको छ । व्यक्तिपिच्छे प्रणाली बसाइँदा अहिले अनेक समस्या छन् न्यायलयमा । यहाँ प्रधानन्याधिश फेरिँदा सबै मापदण्ड बदलिन्छ । कानुन मन्त्री अर्को आउँदा पनि यस्तै हुन्छ । त्यसैले समग्र प्रणाली विकासमा ध्यान दिनुपर्छ । अन्यथा यहाा भाडभैलो भइरहन्छ ।’ सोमबारको साँघु साप्ताहिकबाट

वि.सं.२०७५ चैत २५ सोमवार ०९:२९ मा प्रकाशित

NLIC AD
NABIL bank AD
मन्त्रिपरिषद् बैठक : दुई आयोगका पदाधिकारी नियुक्ति सिफारिस समिति गठन

मन्त्रिपरिषद् बैठक : दुई आयोगका पदाधिकारी नियुक्ति सिफारिस समिति गठन

काठमाडौँ । सरकारले सङ्क्रमणकालीन न्यायसँग सम्बन्धित दुई आयोगको पदाधिकारी नियुक्तिका...

सुनकोसी मरिण डाइभर्सन : वैशाख २६ गते ब्रेक थ्रुको तयारी

सुनकोसी मरिण डाइभर्सन : वैशाख २६ गते ब्रेक थ्रुको तयारी

रमेश लम्साल, काठमाडौँ । सुनकोसी मरिण डाइभर्सन आयोजनाको सुरुङको निर्माणको...

प्रधानमन्त्री ‘प्रचण्ड’ र अध्यक्ष ओलीबीच राजनीतिक छलफल

प्रधानमन्त्री ‘प्रचण्ड’ र अध्यक्ष ओलीबीच राजनीतिक छलफल

काठमाडौँ । प्रधानमन्त्री पुष्पकमल दाहाल ‘प्रचण्ड’ र नेकपा(एमाले)का अध्यक्ष केपी...

राप्रपालाई अब कसैले नजरअन्दाज गर्न सक्तैन–अध्यक्ष लिङ्देन

राप्रपालाई अब कसैले नजरअन्दाज गर्न सक्तैन–अध्यक्ष लिङ्देन

काठमाडौं । राष्ट्रिय प्रजातन्त्र पार्टी (राप्रपा) का अध्यक्ष राजेन्द्र लिङ्देनले...

आमसञ्चार र सामाजिक सञ्जाल विधेयक छिट्टै पारित गरिने सञ्चारमन्त्री शर्मा भनाई

आमसञ्चार र सामाजिक सञ्जाल विधेयक छिट्टै पारित गरिने सञ्चारमन्त्री शर्मा भनाई

काठमाडौँ । सञ्चार तथा सूचना प्रविधिमन्त्री रेखा शर्माले आमसञ्चार विधेयक...

नेपालको अर्थतन्त्र ३ दशमलव ६ प्रतिशतले वृद्धि हुने एडिबीको प्रक्षेपण

नेपालको अर्थतन्त्र ३ दशमलव ६ प्रतिशतले वृद्धि हुने एडिबीको प्रक्षेपण

काठमाडौँ । एसियाली विकास बैंक (एडिबी)ले आर्थिक वर्ष २०८०/८१ मा...