हामी सबैकाे संसारन्यूज

२७ चैत, काठमाडौ । वर्षैदेखि उखुको मूल्य निर्धारण र खरिद रकम भुक्तानी दवैमा किसानलाई अल्झाउँदै आएका चिनी उद्योगीले चालु आर्थिक वर्षमा पनि करिब आठ अर्ब रुपैयाँ भुक्तानी गरेका छैनन् । चिनी बढी खपत हुने चाडपर्वका बेला प्रधानमन्त्री केपी शर्मा ओलीलाई समेत मूल्यमा झुक्याएर आयात रोक्न सफल व्यवसायीले किसानलाई भुक्तानी दिन आनाकानी गरेका छन् । प्रधानमन्त्री ओलीले सोमबार नेपाल उद्योग परिसंघको कार्यक्रममा चिनी उद्योगीले आफुलाई पनि झक्याएको बताएका थिए ।

नेपाली उखु उत्पादक महासंघका अध्यक्ष कपिलमुनि मैनालीका अनुसार यो वर्ष किसानले करिब साढे नौ अर्ब रुपैयाँको उखु चिनी उद्योगलाई बिक्री गरेका छन् । अहिलेसम्म करिब डेढ अर्ब रुपैयाँमात्र भुक्तानी भएको छ, मैनालीले भने, किसानले आठ अर्ब रुपैयाँ भुक्तानी पाउन बाँकी छ । बुधबारको नागरिक दैनिकमा दिलीप पौडेलले लेखेका छन् ।