Sansar News
२६ चैत, काठमाडौं । प्रतिनिधि सभाका सभामुख कृष्ण बहादुर महरासँग कतारका नेपालीले भेटघाट तथा आफ्ना भलाकुसारी गर्न पाउने भएका छन् ।
१४० औं इन्टर पार्लायामेन्ट युनियन एसेम्बली एण्ड रिलेटेड मिटिङमा भाग लिन कतार पुगेका सभामुख महरा र उनका प्रतिनिधि मण्डलमा रहेका सांसदहरुसँग कतारमा रहेका नेपाली संघ संस्थाका प्रतिनिधि तथा नेपाली समुदायसँगको भेटघाट कार्यक्रम रहेको नेपाली दूतावास कतारले जनाएको छ ।
दूतावासले यसै सूचनालाई आधार मानेर चैत २७ गते बुधबार बेलुकाको ५ बजे दूताबासको चान्सरी भवन एन खालिदा दोहा कतारमा उपस्थित हुन पनि अनुरोध गरेको छ ।
वि.सं.२०७५ चैत २६ मंगलवार १८:२६ मा प्रकाशित
