Logo
२२ मंसिर २०७९, बिहीबार
     Thu Dec 8 2022
E-paper
  English Edition
   Unicode
Logo

 सडक कालोपत्रे हुने समाचारले पैञ्युवासी उत्साहित



२७ चैत, काठमाडौं । पर्वतको सुदुर दक्षिणी भेग पैञ्युको हातेमालो चोक देखि मध्य दक्षिणको लुंखु सम्मको सडक कालोपत्रे हुने भएको छ ।

संघीय मामिला तथा सामान्य प्रशासन मन्त्रालय अन्तर्गतको स्थानीय पूर्वाधार विभाग ग्रामिण सडक सञ्जाल सुधार आयोजना (RCIP)  को आयोजना समन्वय इकाइ (PCU)  ले प्रक्रिया अघि बढाएको पत्र पठाएपछि कालोपत्रे हुने स्थिति पैदा भएको हो ।

पर्वत जिल्लाको ‘हुवास–लुखु’ सडकको बहुबर्षीय ठेक्का खरिद प्रक्रिया अगाडि बढाउने सम्बन्धमा आयोजना समन्वय इकाइ ललितपुरले आयोजना कार्यान्वयन इकाई–३ पर्वतलाई पत्र लेखि बहुवर्षीय ठेक्का काम अघि बढाउन निर्देशन दिएको छ । संघीय मन्त्रालयको च.न ५७१ मिति २०७५\१२\२५ को आदेश अनुसार सो पत्र पठाइएपछि पैञ्यु गाउँपालिका र महाशिला गाउँपालिकाका जनतामा काम होला कि, भन्ने आसा बढेको छ ।

उता सो पत्र सार्वजनिक भएसँगै प्रतिनिधिसभा सदस्य पदम गिरीले दक्षिणी भेगका जनतासँगको वाचा कवोलमा सहजीकरण गर्न पाउँदा आफू पनि खुसी भएको बताएका छन् भने गण्डकी प्रदेश सरकारका मन्त्री तथा सो क्षेत्रबाट प्रदेशसभामा निर्वाचित विकास लम्सालले आफ्नो लगातारको प्रयासले सो संभव भएको टिप्पणी सार्वजनिक गरिरहेका छन् ।


हुवास–लुंखु सडकको कालोपत्रे प्रक्रिया शुरु गर्ने समाचारसँगै पैञ्युबासीहरु उत्साहित भएका छन् । पैञ्यु गाउँपालिका नेकपाका अगुवा कार्यकर्ता गंगा अधिकारीले संसारन्युजसँग भने, ‘सबै नेताहरुको प्रयास र खासगरी नेकपा सरकारको ग्रामिण विकासको नीतिले यो संभव भएको हो, उनले थपे, ‘यो समाचारले मात्र पनि दक्षिण भेगलाई उत्साहित बनाएको छ ।’
‘जस लिने होडबाजी हो भने राम्रो भएन, नेताहरुले बुझ्नुपर्छ तर प्रक्रिया अघि बढाउने निर्णय दक्षिणका लागि धेरै खुसीको विषय हो,’ पैञ्यु ७ का एक शिक्षकले प्रतिक्रिया दिए ।

भौगोलिक संभावना उपर्युक्त रहे पनि विकासका दृष्टिले पछि परेको यो क्षेत्रमा सडक कालोपत्रेसँगै विकासका अन्य परियोजनाहरु बढ्ने स्थिति रहेको छ । कुश्मादेखि फलेवास–लमाय खोला–चीर्दी र लुंखु सम्मको कालोपत्रे धमाधम भै रहँदा अब हातेमालो चोक देखि हुवास बजार, सरौंखोला, भोर्ले, पाखापानी हुँदै लुंखुसम्म कालोपत्रे जोड्ने प्रक्रिया अघि बढेको देखिन्छ ।


यो खबर पढेर तपाईलाई कस्तो महसुस भयो ?

पुष्पा न्यौपाने । घर नुवाकोट । दरबारमार्गस्थित केल्मीको शोरुमा संचालक । तर, उनै पुष्पाको

मान्छेको जिवनमा सम्बन्धको धेरै महत्व हुन्छ तर जब विश्वास टुट्छ वा विश्वास टुट्ने डर

काठमाडौं । नेकपा (एमाले)का निम्ति हालको सत्ता गठबन्धन निकै टाउको दुखाईको विषय बनेको छ

काठमाडौं । भारतको केन्द्रीय सरकारका गृहमन्त्री अमित साहका सहयोगी सन्दिप राना नेपाली कांग्रेसको समानुपातिकको