Sansar News
२८ चैत, काठमाडौ । संघ, प्रदेश र स्थानीय तहमा कर्मचारीको स्थायी समायोजन भए पनि स्थानीय तहमा ठूलो संख्यामा कर्मचारी दरबन्दी रिक्त हुन पुगेको छ ।
मुलुकमा ७५३ वटा स्थानीय तहमा १६ हजार कर्मचारी रिक्त रहेकाले सेवा प्रवाहमा समेत गम्भीर समस्या परेको छ ।
विकट जिल्लाका कतिपय स्थानीय तह भने पूर्णरुपमा कर्मचारीबिहीन बन्न पुगेको जनप्रतिनिधिहरुले बताएका छन् ।
समायोजनपछि कर्मचारीहरु भरिने विश्वास स्थानीय तहको थियो तर अधिकांश कर्मचारीहरुले समायोजनका क्रममा संघलाई नै रोजेपछि स्थानीय तहमा ठुलो संख्यामा दरबन्दी रिक्त रहन पुगेको हो ।
संघीय मामिला तथा सामान्य प्रशासन मन्त्रालयका निमित्त सचिव सुरेश अधिकारीले स्थानीय तहमा ठुलो संख्यामा कर्मचारी रिक्त रहेकाले सेवा प्रक्रिया खुला गर्नुपर्ने बताए । बिहीबारको राजधानी दैनिकबाट ।
वि.सं.२०७५ चैत २८ बिहीवार ०८:४३ मा प्रकाशित
