back

फ्रान्सबाट अनुराधाको प्रश्न–’एनआरएनए भवन कसको हजुर ?’

वि.सं.२०७५ चैत २८ बिहीवार

198 

shares
RBB AD
NTC AD

फ्रान्समा रहेकी पत्रकार अनुराधा पौडेलले हालै विवादमा आएको एनआरएनएको भवन कस्को हो भनेर प्रश्न गरेकी छन् ।

थोपा–थोपा संकलन गरेर बनाएको एनआरएनएको भवन अहिले सरकारी जग्गामा बनेको भनेर विवादमा आएको खबरले विदेशमा बस्ने एनआरएनएका शुभचिन्तकहरु पीडामा परेको भन्दै फ्रान्समा रहेकी पौडेलले चिन्ता गर्दै प्रश्न गरेकी छन्–‘एनआरएनए भवन कस्को हजुर ?

सामाजिक संजालमा रहेको उनको भनाई जस्ताको तस्तै

तस्विरमा देखिएको यो भवन हामी बिदेशमा बस्ने नेपालीको चन्दा र दानबाट २५ करोडको लागतमा तयार भएको हो । यसको नाम एनआरएन भवन हो ।

यो भवन काठमान्डुमा बालुवाटारस्थित प्रधानमन्त्री निवासको दैलो अगाडी छ ।

यो भवन बनाउँदा काठमान्डु नगरपालिकाले मापदण्ड पुगेन भत्काउ भनेर दिउसो दिउसो मान्छे पठाएर काम रोक्न लगायो तर एनआरएनले मापदण्ड अनुसारकै भएको दाबी गर्दै राती राती दुईगुना चौगुना गर्दै काम सकायो । भवन ठडाएरै छाड्यो ।

यो भवन बनाउने बेला केहि शिर्ष नेताहरुले बिबादित जमिनमा भवन नबनाउँ । यति पैसाले अलि बाहिर किनौ, फराकिलो बाटो र धेरै जग्गा आउँछ भन्नुभएकै हो तर होईन प्रधानमन्त्री कृष्णप्रसादका पालामा फिर्ता आएको जग्गा हो यो कुनै बिबाद छैन भनेर कुरा ल्याईयो । सँभवत मिलाईयो ।

शिर्ष नेताहरु चुप हुनुभो । हामी साधारण सदस्यले पनि पत्यायौँ । नपत्याउने कुरै थिएन । फेरी हामी दुई चार रुप्पे कमाउनेले बोलेर पनि त भएन । प्रोजेक्टलाई साथ दिने शिर्ष नेता नै त हो ।
हामीले काठमाण्डौं नगरपालिकाले दुःख दिएकोमा मन दुखायौँ र हामीलाई काठमाण्डु महानगरपालिकाले बिभेद गरेको भन्ने ठान्यौँ । घुस नपाएर दुःख दिएको र हाम्रो डाह गरेको भन्ने ठानेम् ।

एनआरएनको उन्नती प्रगति बिबरणको कुरा गर्दा यो सुन्दर भवनको कुरा जहा जहाँ सुन्यौँ त्यहाँ त्यहाँ हामीले खुसीले गदगद भएर बेस्सरी ताली ठोक्यौँ ।

लाग्यो यो हाम्रो पहिचान हो ।

लाग्यो बिदेशी भूमीका नेपालीको प्रत्येक आवेग र संवेगहरु यसले बोकेको छ । लाग्यो यो हाम्रो कार्यालय हो । लाग्यो तिर्थस्थल हो अनि यो भवनले हाम्रो ईच्छा, आकांक्षा र महत्वको उजागर गर्छ । मातृभूमी प्रति लगाव छ र ठान्यौँ यो भवन रहुन्जेल हामीलाई कसैले नेपाली होईन भन्ने छैन र हाम्रा छोरछोरीहरुको नेपाली पहिचान खोस्ने सामथ्र्य कसैको हुनेछैन ।

तर हिजो सरकारी छानविनमा थाह भयो, यो भवन एनआरएनको जमीनमा होईन तीन रोपनी एक आना सरकारी जमीनमा ठडिएको छ ।

ईतिहास हेर्दा यो जग्गाका धनी श्री ३ भीमशमसेरका काँग्रेसी नाति सुवर्णशमसेर राणा रहेछन् । २०२१ मंसिर १५ गते उचित मुआब्जा दिएर नेपाल सरकारले उनको केहि जग्गा (अर्थात https://ne.m.wikipedia.org/wiki/ललिता_निवास) ललिता निवास) अधिग्रहण गरेको रहेछ भने केहि जग्गा तत्कालिन राजा महेन्द्र सरकारले हडपिसेको रहेछ किनभने उहाँले सुवर्ण काँग्रेस भएको रुचाईसेको रहेनछ ।

त्यहि हडपेको जग्गा कृष्णप्रसाद भट्राईले प्रधानमन्त्री हुदा फिर्ता दिनुभएको रहेछ । (त्यसो त मलाई राम्रो सँझना छ उति बेला भट्टराईले गलत निर्णय गर्नुभयो भावनामा बग्नु भयो बिबाद आउँछ भनिएको थियो) ललिता निवासको फिर्ता मिलेको जमीनमा होईन रहेछ एनआरएन भवन बनेको । यो त सरकारले २०२१ सालमा अधिकरण गरेको जमीनमा बनेको रहेछ ।
एनआरएनलाई अधिकरणमा परेको यो सरकारी जग्गा कृष्णप्रसादले फिर्ता दे को भन्दै भू माफियाहरु रामकुमार सुवेदी र शोभाकान्त ढकाल तथा उनका आफन्तले बेचेका रहेछन् ।
अब दुई प्रश्न छन् ?

एनआरएनको तर्फबाट यो जग्गा कसले किन्नुभएको हो ? उहाहरु माथि छानबिन हुन पर्छ पर्दैन ? पर्छ भने कल्ले गर्छ ?

यो भवन अब कसको हुन्छ ? थोपा थोपा गरेर पैसा जुटाएका म जस्तै बिदेशिएका नेपालीको भावना प्रतिनिधित्व गर्ने एनआरएन को कि बालुवाटारका प्रधानमन्त्री निवासका कर्मचारीको ? गरिदिनुहोला सबैलाई ।

वि.सं.२०७५ चैत २८ बिहीवार ०८:३६ मा प्रकाशित

NLIC AD
NABIL bank AD
आयोगप्रतिको जनविश्वासलाई कायम राख्न जरुरी छ : उपराष्ट्रपति यादव

आयोगप्रतिको जनविश्वासलाई कायम राख्न जरुरी छ : उपराष्ट्रपति यादव

काठमाडौँ । उपराष्ट्रपति रामसहाय प्रसाद यादवले वर्तमान परिवेशले सिर्जित समस्या...

सूचना प्रविधि विकास गर्न बजेटमार्फत सरकारले महत्वाकाङ्क्षी योजना अघि सारेको छ : अर्थमन्त्री पुन

सूचना प्रविधि विकास गर्न बजेटमार्फत सरकारले महत्वाकाङ्क्षी योजना अघि सारेको छ : अर्थमन्त्री पुन

ललितपुर । अर्थमन्त्री वर्षमान पुनले मुलुकमा सूचना प्रविधि क्षेत्रको विकासका...

असार ३ गते सोमबार सार्वजनिक विदा

असार ३ गते सोमबार सार्वजनिक विदा

काठमाडौं । सरकारले असार ३ गते सार्वजनिक विदा दिने निर्णय...

दक्षिण अफ्रिकाद्वारा नेपाललाई जितका लागि ११६ रनको लक्ष्य प्रस्तुत

दक्षिण अफ्रिकाद्वारा नेपाललाई जितका लागि ११६ रनको लक्ष्य प्रस्तुत

काठमाडौँ । आइसीसी टि–ट्वान्टी विश्वकप क्रिकेट प्रतियोगिताअन्तर्गत आज जारी खेलमा...

‘ठूलो वर्षा भएमा मेलम्चीको खानेपानी बन्द गरिने’

‘ठूलो वर्षा भएमा मेलम्चीको खानेपानी बन्द गरिने’

काठमाडौँ । मनसुन सुरु भएसँगै ठूलो वर्षा भएमा सरकारले मेलम्ची...

सांसदहरुद्वारा विपद्को पूर्व तयारी र राष्ट्रिय परिचयपत्र अनिवार्यबारे सरकारको ध्यानाकर्षण

सांसदहरुद्वारा विपद्को पूर्व तयारी र राष्ट्रिय परिचयपत्र अनिवार्यबारे सरकारको ध्यानाकर्षण

काठमाडौँ । प्रतिनिधिसभामा सांसदहरुले विपद्को पूर्व तयारी गर्न र सामाजिक...