Sansar News
२८ चैत, सुर्खेत । कर्णाली प्रदेश सरकारले असिनापीडित किसानलाई राहत स्वरुप दुई करोड रुपैयाँ दिने भएको छ ।मंगलबार बसेको प्रदेश सरकार मन्त्रिपरिषद्को बैठकले उक्त निर्णय गरेको हो ।
सरकारका प्रवक्ता तथा भूमि, व्यवस्था, कृषि तथा सहकारीमन्त्री विमला केसीले दैलेखलगायत प्रदेशका विभिन्न जिल्लामा असिनाले ठूलो क्षति पुगेको बताउँदै सरकारले राहत दिने निर्णय गरेको जानकारी दिइन् । असिनाबाट भएको क्षतिको सबै लगत १५ दिनभित्र संकलन गर्ने र स्थानीय तहसँग समन्वय गरेर राहत बाँड्ने योजना रहेको मन्त्री केसीले बताइन् ।
प्राकृतिक प्रकोपबाट भएको क्षतिप्रति प्रदेश सरकार भम्भिर भएको छ, उनले भनिन्, यसका लागि स्थानीय तहमा क्रियाशील रहेका विपद् व्यवस्थापन समितिसँग समन्वय गरेर राहत वितरण गर्छौ । बिहीबारको कारोबार दैनिकमा गोविन्द खत्रीले लेखेका छन् ।
वि.सं.२०७५ चैत २८ बिहीवार ०८:३३ मा प्रकाशित
