Sansar News
६ बैशाख, काठमाडौं ।महानगरीय ट्राफिक प्रहरीले मोटरसाइकल चालकलाई सडकमै शिक्षा दिएको छ ।
उपत्यकाको ट्राफिक व्यवस्थपन तथा प्रदूषण नियन्त्रणका लागि तयार पारिएको कार्य योजना २०७५ अन्तर्गत महाशाखाले शुक्रबार २१७७ वटा दुई पांग्रे सवारी चालकलाई बाटोमै ५–५ मिनेटको ट्राफिक शिक्षा दिएको हो ।
महाशाखाका अनुसार तिनकुने, न्युरोड गेट, रत्नपार्क, कुलेश्वर, कलंकी मन्दिर, गंगालाल, टुसाल, वनकाली ओरालो, कोटेश्वर चोक, सात दोवाटो चोक र ठिमी चौकमा गरी २१७७ जनालाई ट्राफिक सचेतना सम्बन्धी जानकारी दिदैं स्टिकर तथा पर्चा पम्लेट वितरण गरेको हो ।
वि.सं.२०७६ वैशाख ६ शुक्रवार १८:०४ मा प्रकाशित
