हामी सबैकाे संसारन्यूज

एनआरएनए मकाउकी अध्यक्ष तथा खेलाडी शान्ति अधिकारीले करातेको कुमुतेमा काँस्य पदक जितेकी छन् ।

गैरआवासीय नेपाली संघका तर्फबाट आठौं राष्ट्रिय खेलकुदमा सहभागी अधिकारीले खुला (६८ केजी) तौलतर्फ काँस्यपदक जित्न सफल भएकी हुन् ।

यसअघि एनआरएनएकै तर्फबाट क्यानडाबाट सहभागी सुभद्र श्रेष्ठले महिला एकल काँतातर्फ रजत पदक जितेकी थिइन् ।

त्यस्तै संघकै तर्फबाट दोर्जे नाथन शेर्पाले स्वीमिङ प्रतियोगितामा गोल्ड मेडल, प्रदीप घिमीरेले बक्सिङमा काँस्य पदक, मोहन बमले जुडोमा काँस्य पदक र टेनिस टिमले काँस्यपदक हात पारिसकेका छन् ।

खेलाडीद्धयलाई एनआरएनएका युवा संयोजक सुदन थापा, सचिवालय सदस्य श्रीराम घिमिरे, एनआरएनएका खेलाडी अफिसियल मनोज गोर्खाली, टिम कोच मुकेश बरुवाल, पर्शुराम घिमिरे लगायतले बधाई दिएका थिए ।