Sansar News
११ बैशाख, काठमाडौं । त्रिभुवन अन्तराष्ट्रिय विमानस्थलमा रन वे को स्तरोन्नति भइरहेको छ । तीन महिनामा सक्ने योजना सहित चैत १८ गते देखि सुरु गरिएको विमानस्थल स्तरोन्नति कार्य भइरहेको हो ।
चिनियाँ कम्पनी चाइना नेशनल एग्रो टेक्नोलोजी इन्टरनेशनल कम्पनीले इन्जिनियरिङको काम गरिरहेको छ भने उक्त कार्यका लागि दैनिक १० घण्टा विमानस्थल बन्द गर्ने गरिन्छ ।
अन्तराष्ट्रिय विमानस्थल निर्माण भए यता पहिलोपटक नै यसरी धावनमार्गको स्तरोन्नति गर्न लागिएको हो ।
यसभन्दा अगाडि बिहानको ६ बजेदेखि रातिको ३ बजेसम्म खुला गरिने विमनस्थल हाल बिहान ८ बजेदेखि रातिको १० बजेसम्म मात्र खुला हुन्छ । त्यो विचको समयमा धमाधम धावनमार्गको स्तरोन्नति गरिन्छ ।
वि.सं.२०७६ वैशाख ११ बुधवार १५:२० मा प्रकाशित
