हामी सबैकाे संसारन्यूज

१३ बैशाख, काठमाडौं ।  बोक्सी र बोक्सा आरोपमा कुटपिट  हुँदा मोरङको सुन्दरहरैंचा नगरपालिका–११  का बुद्धबृद्धा  घाइते भएका छन् ।

६० वर्षीय वृद्ध र उनकी  श्रीमतीलाई एकै परिवारका  चार सदस्यले कुटपिट गरेका हुन् । वृद्धम बेहोस् भएर  घटनास्थलमै ढलेको प्रहरीले  जनाएको छ । दुवै जनालाई  उपचारका लागि नोबेल अस्पताल बेलबारीमा भर्ना गरिएको थियो ।  त्यसपछि वृद्धालाई  विराटनगरको कोसी  अस्पताल ल्याएर  थप उपचार  गरिएको छ । उनलाई  संरक्षण दिन कोकील  नेपालको जिम्मा लगाइएको पनि प्रहरीले जनाएको छ ।

घरमा उनीहरु  दुईजना मात्र बस्दै आएका थिए । सुरन्दर हरैंचा ११  धाती टोलका ६३ वर्षीय टुनका खवास,  ३५ वर्षीय श्यामलाल खवास,  ३१  वर्षीय रामकुमार खवास र ३० वर्षीय शशिकला खवासले आक्रमण गरेको मोरङ प्रहरीले जनाएको छ ।

प्रहरीका अनुसार टुनकाको परिवारका सदस्य विरामी  भइरहेका थिए ।  त्यसपछि झारफुकका लागि घरमा शशिकला चिन्ता बसेकी थिइन् ।  उनले वृद्ध दम्पत्ती बोक्सा बोक्सी  रहेको बताएकी थिइन ।  तब परिवारका सबै सदस्य धुरिएर  बिहान आक्रमण गरेको  प्रहरीले जनाएको छ । शुक्रबारको अन्नपूर्णपोष्ट दैनिकबाट