१९ बैशाख, पर्वत । महाशिला गाउँपालिका-५ स्थित वडा कार्यालयमा समुदाय–प्रहरी साझेदारी अन्तर्गत अन्तरक्रिया तथा नागरिक सुनुवाई कार्यक्रम गरिएको छ ।
बुधबार आयोजना गरिएको उक्त कार्यक्रममा प्रमुख जिल्ला अधिकारी गुरुदत्त ढकालले समाजमा शान्ति सुरक्षाको लागि स्थानीयतह, स्थानीय व्यक्तिहरुको पनि महत्वपूर्ण भूमिका हुने र सामाजिक विकृतिलाई हटाउनको लागि प्रहरी र स्थानीयबीचको सम्वन्ध जरुरी रहेको बताएका थिए ।
सुनुवाई कार्यक्रममा जिल्ला प्रहरी कार्यालय पर्वतका कार्यालय प्रमुख प्रहरी नायव उपरीक्षक श्यामु अर्यालले आधारभूत सुरक्षा, सामुदाय–प्रहरी साझेदारीको महत्व, घरेलु हिंसा नियन्त्रण, साईवर सुरक्षा तथा लागूऔषध नियन्त्रण लगायतका विषयमा प्रशिक्षण प्रदान गरेका थिए
महाशिला गाउँपालिकाका अध्यक्ष राजु प्रसाद पौडेलको अध्यक्षता र उच्च अदालत अन्तर्गत पोखरा, वाग्लुङ ईजलाशका मुख्य न्यायाधीश शेषराज सिवाकोटीको प्रमुख आतिथ्यमा सम्पन्न उक्त कार्यक्रममा जिल्ला समन्वय समितिका प्रमुख मनोहर वि.पौडेल, पर्वत जिल्ला अदालतका न्यायाधीश सूर्य बहादुर थापा, म्याग्दी जिल्ला अदालतका न्यायाधीश राज कुमार कोईराला, जिल्ला बार ईकाई अध्यक्ष भोलानाथ शर्मा, विभिन्न कानुन क्षेत्रमा कार्यरत कानुनविद्हरु, महाशिला गाउँपालिकाका वडा अध्यक्षहरु, सदस्यहरु तथा स्थानियबासीको उपस्थिती रहेको थियो ।
वि.सं.२०७६ वैशाख १९ बिहीवार १४:३८ मा प्रकाशित
