२२ बैशाख, काठमाडौं । बाग्लुङ र काभ्रे भएका छुट्टाछुट्टै सवारी दुर्घटनामा २ जनाको मृत्यु भएको छ ।
बाग्लुङ, निसिखोला गाउँपालिका–६ गाउँलेपानीस्थित मध्य पहाडी लोकमार्गमा रोकिएको ना.३ क ४४० नम्बरको ग्रेडर शनिबार दिउँसो एक्कासी गुडेर चालक सर्लाही परवानिपुर–९ का २९ वर्षीय कृष्णहरी थापालाई किच्दा उनको घटनास्थलमै मृत्यु भएको छ ।
काभ्रे,महाभारत गाउँपालिका–१ आरुबोटेस्थित सडकमा ना.३ त ९१०३ नम्बरको गुडिरहेको ट्याक्टरबाट शनिबार दिउँसो खसेर गम्भीर घाइते भएका ट्याक्टरमा सवार सोही गाउँपालिका बस्ने ३५ वर्षीय लालमान जिम्बाको स्थानीय मेडिकलमा उपचारको क्रममा मृत्यु भएको छ । ट्याक्टर चालकलाई प्रहरीले नियन्त्रणमा लिएको छ ।
दुर्घटनाको सम्बन्धमा स्थानीय प्रहरीले आवश्यक उद्धार एवं अनुसन्धान गरिरहेको छ ।
वि.सं.२०७६ वैशाख २२ आइतवार १३:५७ मा प्रकाशित
