हामी सबैकाे संसारन्यूज

२२ बैशाख, कास्की । बालिकालाई जर्वजस्ती करणी गरेको अभियोगमा २१ वर्षीया राम बहादुर रम्तेल पक्राउ परेका छन् ।

पोखरा महानगरपालिका–११ रानिपौवा बस्ने धादिङ मलेखु घर भएकी १२ बर्षीया बालिकालाई जबरजस्ती करणी गरेको अभियोगमा रानीपौवा बस्ने धादिङ निलकण्ठ नगरपालिका–६ घर भएका रम्तेललाई शनिबार साँझ प्रहरीले पक्राउ गरेको हो ।

राम बहादुरले पोखरा महेन्द्रपुलस्थित एक होटलमा लगेर बालिकालाई जबरजस्ती करणी गरेको भन्ने खबर प्राप्त हुनासाथ वडा प्रहरी कार्यालय रामबजारबाट खटिएको प्रहरीले उनलाई पक्राउ गरेको हो ।

साथै सोही घटनामा संलग्न रहेको आशंकामा पोखरा महानगरपालिका बस्ने २५ वर्षीय लक्ष्मण चौधरीलाई समेत आइतबार बिहान प्रहरीले नियन्त्रणमा लिई यस सम्बन्धमा थप अनुसन्धान गरिरहेको छ ।