Sansar News
२७ कात्तिक, काठमाडौँ । परराष्ट्र मन्त्रालयले मन्त्रालयले एक चीन नीतिमा नेपाल सरकार पूर्ण प्रतिबद्ध र दुढ रहँदै आएको स्पष्ट पारेको छ ।
मन्त्रालयले शुक्रबार विज्ञप्ति जारी गरी नेपाल र चीनबीचको सम्बन्धलाई लिएर केही सञ्चारमाध्यममा प्रकाशित समाचारबाट द्विपक्षीय सम्बन्धमा भ्रम सिर्जना गर्ने खोजिएको तर त्यसमा सत्यता नभएको जनाएको छ ।
समाचारमा दाबी गरिए झैँ नेपालको एक चीन नीतिबारे चीनले नेपाल सरकारको धारणा माग गरेको भन्ने विषयमा समेत कुनै सत्यता नभएको उल्लेख गरिएको छ ।
नेपालले छिमेकी मित्र राष्ट्रसँगको सम्बन्धलाई सधैंँ उच्च महत्व दिई आएको र वर्तमान सरकार उक्त सम्बन्धलाई थप सुदृढ बनाउन प्रतिबद्ध रहेको बताउँदै मन्त्रालयले मित्रराष्ट्रसँगको सम्बन्धका बारेमा समाचार सम्प्रेषण गर्दा विषयको संवेदनशीलताप्रति आवश्यक सावधानी अपनाउन आग्रह गरेको छ ।
वि.सं.२०७३ कात्तिक २७ शनिवार ०४:०१ मा प्रकाशित
