हामी सबैकाे संसारन्यूज

६ जेठ, हुम्ला । बढ्दै गएको बलात्कार, बालबिवाह र यौनजन्य घटना न्यूनिकरणका लागि हुम्लाको एउटा गाउँपालिकाले मिल सञ्चालन गरेको छ ।

परम्परागत घट्टमा गएर कुटानी पिसानी गर्दा रातिको समयमा महिला तथा किशोरीमाथि यौनहिंसा हुन थालेपछि हुम्लाको ताजाकोट गाउँपालिका–४ ले कुटानी पिसानी मिल नै सञ्चालन रगेको छ ।

यौनहिंसा न्यूनीकरण गर्न वडा कार्यालयले डिजेलबाट सञ्चालन हुने मिल स्थापना गरेको वडाअध्यक्ष धनरुप जैसीले बताए ।

स्थानीय सियाँली खोलामा पानी धेरै नहुँदा राति त्यहि बस्ने गरी घट्ट जानुपर्ने बाध्यतामा थिए, स्थानीय महिला । जसले गर्दा उनीहरुमाथि बलात्कार लगायत यौनजन्य हिंसा हुने गरेको र किशोरीले बालविवाह र बहुविवाह गर्नेजस्ता समस्या देखिन थालेपछि ९ लाख रुपैयाँको लागतमा मिल सञ्चालन गरिएको उनले बताए । सोमबारको राजधानी दैनिकबाट