हामी सबैकाे संसारन्यूज

२३ जेठ, काठमाडौं । काठमाडौंमा जारी तेस्रो संस्करणको प्रधानमन्त्री राष्ट्रिय क्रिकेट प्रतियोगिताको आज(बिहिबार)को खेलमा नेपाल पुलिस क्लब फाईनलमा प्रवेश गरेको छ ।

सेमिफाइनल खेलमा साबिक विजेता एपीएफमाथि ५ विकेट जित निकाल्दै पुलिस फाईनलमा पुगेको हो । फाइनल खेल विभागीय टिम आर्मी र पुलिस क्बल बीच हुने भएको छ । उपाधिको लागि आर्मी र पुलिस शनिवार भिड्ने छन् ।

आर्मीले बुधबार पहिलो सेमिफाईनल खेलमा प्रदेश ३ लाई १ सय १७ रनको फराकिलो अन्तरले हराउँदै फाईनलमा प्रवेश गरेको थियो ।

सामान्य ४२ रनको लक्ष्य पुलिसले ९.३ ओभरमा ५ विकेटको क्षतिमा पुरा गरेको हो । पुलिसका लागि पवन सरार्फले १४ बलमा ४ चौका प्रहार गर्दै २१ रनमा बनाए । दिपेन्द्र सिंह ऐरीले १३ रनको योगदान दिए । सातौ ओभरको पाँचौ बलमा बसन्त रेग्मिले क्याच आउट गराउनु अघि १४ बलमा २ चौका प्रहार गरे ।

त्यसअघि पहिलो ब्याटिङको निम्तो पाएको एपीएफले २२.१ ओभरमा अलआउट हुँदै ४१ रनमात्र जोडेको थियो ।