हामी सबैकाे संसारन्यूज

४ असार, काठमाण्डौं । अन्य देशमा वर्षा र बाढीका कारण धेरैको जीवन सकेको समाचार पढी रहेका हामीहरुलाई भारतको चेन्नाइको जनतालाई वर्षाले नै बचाउँन सक्छ भन्दा तपाईलाई अचम्म लाग्ला । तर, त्यस्तै भएको छ । अब चेन्नाईको जनता बचाउनका लागि वर्षानै आउनुपर्ने भएको छ ।

चेन्नाइमा यो पहिलो पटक होइन, पानीको संकट परेको तर, यो वर्ष बढी संकट परेको त्यहाँका सरकारी अधिकारीहरु बताउँछन् ।

चेन्नाइका जनता अहिले पानीको नयाँ श्रोत खोजिरहेका छन् । पानीको नयाँ श्रोत खोज्दै हरेक महिनामा २० देखि ३० वटा सम्म बोरिङहरु खनिएको छ । दुई महिनाको बीचमा ४० बोरिङ खनिएको बताइएको छ ।

चेन्नइमा चार लाख पानीको मुहान सुकिसकेको छ । मइको पहिलो साता चेन्नाईको जल विभागले चेन्नाई मेट्रो वाटर शोलावरम र सेंगुदरम मुहानबाट पानी निकाल्न बन्द गरिसकेको र पूंदि मुहानबाट पनि पानी आउन छोडेको छ । जल बिभागले चेन्नाईको बाहिरी क्षेत्रबाट सफा पानी लिन सुरु गरेको बताइएको छ । अब केही पानी तमिलनाडुको सिक्किरायापुरम र इरुमैयुरबाट पनि ल्याउन थालिएको बताइएको छ ।

चेन्नइ जल विभागका अधिकारीहरुका अनुसार उनीहरुले केही पानीको मुहान खोज्न सुरु गरिसकेको र अब केवल वर्षाले नै चेन्नाईको जनताको जीवन बचाउन सक्ने छ ।

हाल पानी सप्लाईको लागि चेन्नाईलाई १५ भागमा बाडिएको छ । ८८० लाख लिटर पानी यी १५ भागमा बाडिएको बताइएको छ । तर, जनताको बीचमा ६५० लाख लिटर मात्र पानीपुगेको छ । चेन्नाईको जल विभागका अनुसार पानीको कमिका कारण ५२५ लाख लिटर मात्र पानी पठाउन सकिएको छ । यसकारण धेरै ठाउँमा पानीको समस्या बढिरहेको छ । धेरै ठाउँमा ट्यांकरबाट पानी लिने क्रममा मानिसहरुवीच झगडा भइरहेको छ ।

होटल तथा अफिस बन्द
चेन्नइमा धेरै होटल, रेष्टुरेण्ट तथा अफिसहरु बन्द भएका छन् । चेन्नई मेट्रोमा एसी चल्न बन्द भएको छ । केही आइटी कम्पनीहरुले आफ्ना कर्मचारीलाई घरबाटै काम गर्न भनेका छन् । तर पनि स्थिति धेरै जटिल भएको छ ।

आइटी वर्कस एसोसियसनका महासचिव विनोद कलिगईले भने, ‘आइटी फर्मले घोषणा त गरेको छैन जति सकिन्छ त्यति कर्मचारीले घरबाट काम गर्न भनिएको छ, तर घर पनि त पानीबाटै चल्छ अब हामी के गर्ने ?’

एक अधिकारीले भने, ‘धेर ठाउँमा भूजलस्तर सकिएको छ । मानिसहरु चेन्नाई जल विभागबाट पानी पाउने आसामा रहेका छन् । यसले स्थिति झन जटिल बन्दै गएको छ ।’
चेन्नई जल विभागका अनुसार विभागको ट्याकरबाट पानी सप्लाई भइरहेको छ । मानिसहरु यो पानी किन्न परेपनि पहिले रजिस्टर्ड गर्नुपर्ने र २० दिनसम्म पर्खनुपर्ने हुन्छ । झन पछि यो पर्खाई बढ्दै जाने देखिएको बताइएको छ । ‘अब बर्बादी सुरु भएको छ, यदि यो वर्ष वर्षाले हामीलाई निराश बनायो भने हामी खतम हुनेछौं ।’ एक अधिकारीले भनेको बिबिसीमा समाचार छ ।

पानीको क्षेत्रमा काम गरिरहेका एक सामाजिक कार्यकर्ताले भने, ‘भविष्यमा यस समस्याको हल भनेको भूजलस्तर बढाउदै लैजाने हो । विगतमा पनि यस्तो समस्या भोगेकै हो । यसमा भूजलले नै बचाउँदै आएको हो । वर्षाको १६ प्रतिशत पनाी जमिन मुनि जानुपर्ने हुन्छ तर चेन्नाई जस्तो ठूलो सहरमा ५ प्रतिशत पानी पनि जमिनले सोस्न सकिरहेको छैन त्यसको कारण हो क्रंक्रिट निर्माण । यस्तो चिजलाई परिवर्तन गरेर हामीले भूजलस्तर बढाउन जरुरी छ ।

तस्बिर : ऐजेन्सी