८ असार, काठमाण्डौं । लामो समयदेखि जापानमा रहेका सामाजिक अभियन्ता बेलुकाजी थापाले नेपालमा सामान्य लाग्ने आनीबानी अन्य देशमा अपराधजन्य हुन सक्छन् भन्ने सचेतनामुलक विचार संप्रेषण गरेका छन् ।

गल्कोट समाज जापानका संस्थापक  समेत रहेका थापाले देशको भूगोलबाट टाढिएपछि अरुको भूगोलका रहँदा बस्दा हाम्रा मान्यता संस्कार र आदतहरु त्यो देश अनि समाजकै चालढालमा बदलिनु र बदल्नु पर्ने आवस्यक रहेको बताएका छन् ।

सामाजिक संजाल फेसबुकमा आफ्ना भनाई राख्दै उनले भनेका छन्, ‘देशको भूगोलबाट टाढिएपछि अरुको भूगोलका रहँदा बस्दा हाम्रा मान्यता संस्कार र आदतहरु त्यो देश समाजकै चालढालमा बदलिनु र बदल्नु पर्छ । तर हाम्रा देनानुदिनका आदत र उठबसहरु त्यस्ता भने देखिदैनन् । उता सामान्य लाग्ने आनीबानी यता अपराधजन्य हरकत हुनसक्छन् । जापान बसाईमा मलाई जस्तै हजुरलाई लागेका थप यस्तै आदतका बुँदाहरु तपाईले पनि लेख्नु होला न ।
सुर्धान नसकिएका बानीहरु
-कुर्शीमा बस्दा खुट्टा चढाउने र हल्लाउने

-सार्बजनिक ठांउ बाटोमा थुक्ने र खकार्ने

-भातमा चपेष्टिक या चम्मच कांटा गाड्ने

-आफूबाट गल्ति भएको कुरालाई माफी नबोल्ने

-गल्तिलाई ढाक्नछोप गर्न कहानी बनाउने

-बच्चाहरु खेल्ने पार्कका पींङमा आमाहरु खेल्ने

-पार्कमा भेटिने परेवाहरुलाई चारो हाल्ने÷दिने

-अरुको करेशाका फलफूल र फूल र तरकारी टिप्ने

-जीउँदो खसी तथा कुखुरा काटेर खाने र लाईभ गर्ने

-संरक्षित फलफूलका डाली नुगाएर फोटो खिच्ने

-परेवा छोपेर काटी खाने

-काफल र किमु काफलका रुखका फल टिप्ने खाने

-यात्रामा ठुल्ठुलो स्वरमा गफिदै हल्लिखल्लि गर्ने

-सवारी साधनमा सवार गर्दा लाईभ गर्ने

-रेलका आरक्षण सिटमा बसेर निदाएको भान गर्ने

शान्त कर्मभूमि जापानमा घटेका मुटु कपाउने घटनाहरु