२ साउन, काठमाडौँ । सरकार नेत्रविक्रम चन्द (विप्लव) नेतृत्वको नेकपा बीच वार्ताका लागि अनौपचारिक छलफल चलेको छ । तर, औपचारिक वार्ताका लागि दुवै पक्ष अझै तयार देखिएका छैनन् ।
दुवै पक्षले अनौपचारिक रुपमा विभिन्न खालका नेतालाई वार्ताको वातावरण बनाउन परिचालन गरेपनि ‘औपचारिक पत्र’ मा गएर अड्किएको छ । विप्लव पक्षले सरकारले औपचारिक पत्र लेखेमा वार्तामा बस्न तयार रहेको बताएपनि सरकारले पत्र लेख्ने संकेत देखाएको छैन । गत फागुन २ मा सरकारले विप्लवका गतिबिधिलाई प्रतिबन्ध लगाएको थियो । त्यसपछिको चार महिना अवधिमा आन्तरिक र मुठभेडका नाममा ८ जना विप्लवका नेता कार्यकर्ता र १ प्रहरीको ज्यान गएको छ । विप्लवलाई वार्तामा ल्याउन नेकपा अध्यक्षद्वय प्रधानमन्त्री केपी ओली, पुष्पकमल दाहाल र सचिवालय सदस्य रामबशादुर थापाले अलगअलग तीन थरी टिम परिचालन गरेका छन् ।
उनीहरुले उनीहरुले विप्लवका विभिन्न स्तरका नेताहरुसँग अनौपचारिक संवाद गरेपनि वार्ताका लागि ठोस बाटो पहिल्याउन सकेका छैनन् । विप्लवको पार्टीले गत पुसको स्थायी समिति बैठकबाटै सरकारले अनौपचारीक पत्र लेखेमा वार्तामा बस्न सकिने निर्णय गरेको थियो । त्यो निर्णयबाट पार्टी दायाँबायाँ नलागेको एक पोलिटब्युरो सदस्यले बताए । बिहीबारको अन्नपूर्ण पोस्टबाट
