हामी सबैकाे संसारन्यूज

७ असार, अख्तियार दुरुप्रयोग अनुसन्धान आयोगले भष्ट्राचारविरुद्ध आक्रामक कारबाही तीब्र पारेपछि पक्राउ परेका व्यक्तिका लागि अख्तियारको हिरासत अपुग भएको छ ।

अख्तियारका कारबाहीमा रंगेहात पक्राउ परेकाहरुलाई राखिदा अख्तियारको हिरासत भरिन पुगेको छ । आयोगले रंगेहात पक्राउ परेका २७ जनासँग अनुसन्धान गरिरहेको छ । १६ जना क्षमता भएको अख्तियारको हिरासत कक्षमा सोमबारसम्म २७ जना पुगेका छन् ।

रंगेहात पक्राउ गर्ने अख्तियारको काम निरन्तर चलिरहेपनि राख्ने ठाउँको अभाव रहेको अख्तियार स्रोतले जनाएको छ । ‘हिरासत कक्ष खचाखच अभियुक्तहरुले भरिएका छन् , अख्तियार स्रोतले भन्यो , ‘अनुसन्धान प्रक्रिया सकेर मुद्दा दर्ता गर्ने तयारीमा छौं ।

पछिल्लो समय रंगेहात पक्राउ पर्ने क्रम बढिरहेको बेला ठाउँको भने अभाव रहेको छ । मुद्दाको फाइलको चाङ धेरै छन् , क्रमबद्ध रुपमा मुद्दाको प्रक्रिया अगाडि बढाउने तयारीमा रहेको अख्तियारले जनाएको छ । मंगलबारको राजधानी दैनिकबाट