हामी सबैकाे संसारन्यूज

८ साउन, काठमाडौँ । मसलुकमा बर्सेनि कम्तीमा ७ देखि ८ खर्ब रुपैयाँ बराबरको कर छली हुने गरेको खुलासा भएको छ ।

मुलुकको कुल बजेटको झन्डै आधा बजेटसरह हो । यसरी कर छली हुँदा सरकारले निर्धारण गरेको लक्ष्यअनुसारको राजश्वसमेत उठ्न सकेको छैन ।
सरकारी कर्मचारी र व्यापारीको मिलेमतोमा त्यति ठूलो परिमाणको कर छली हुने गरेको खुलासा भएको हो ।

अर्थमन्त्रालय स्रोतका अनुसार कर्मचारीको मिलेमतोमा भन्सारबाट सामान आयात गर्दा न्यूनबीजकीकरण, भ्याट छली, आयकर छलीलगायत शीर्षकमा कर छली हुने गरेको हो । यसरी कर छली हुँदा हुन्डीको कारोबार, सुनको तस्करी, भारुको मूल्य वद्धि, विदेशी मुद्राको अपचलनजस्ता गम्भीर समस्या बढ्ने गरेका छन् भने इमान्दार व्यवसायी मर्कामा पर्दै आएका छन् ।

यस्तो कार्यले स्वदेशी उद्योगसमेत धराशायी हुने गरेको अर्थमन्त्रालयका अधिकारीको भनाइ छ । बुधबारको राजधानी दैनिकबाट