हामी सबैकाे संसारन्यूज

९ साउन, काठमाडौँ । साना मिडिया हाउसहरुका लागि केही राहत मिलेको छ ।

साउन ८ बुधबारको मन्त्री स्तरीय बैठकले सञ्चार तथा सूचा प्रविधि मन्त्रालयले यसअघि न्यूनतम पारिश्रमिक कार्यान्वयन सम्बन्धमा सूचना तथा प्रसार विभागलाई निर्देशनका लागि पठाएको पत्र तत्काललाई स्थगन गर्ने निर्णय गरेपछि साना मिडिया हाउसहरुलाई तत्कालका लागि केही राहत मिलेको हो ।

यो सूचना अनुसार साना मिडिया अर्थात् ५ जना सम्म पत्रकार, कामदार तथा कर्मचारी सञ्चार प्रतिष्ठानले पनि कामदारको तलबी विवरण(पेरोल) बुझाउनु पर्ने बाध्यता हाललाई स्थगित गरिएको छ ।

मन्त्रालयको उक्त सूचनाका आधारमा सूचना तथा प्रसारण विभागले सूचना जारी गर्र्दै नेपाल सरकारबाट निर्धारण गरिएको न्यूनतम पारिश्रमिक कार्यान्वयन गर्न सञ्चार प्रतिष्ठानहरुलाई जानकारी गराएको छ ।

तर ५ जना भन्दा बढी पत्रकार, कर्मचारी तथा कामदार रहेका सञ्चार प्रतिष्ठानले ‘नेपाल सरकारबाट निर्धारण गरिएको न्यूतम पारिश्रमिक कार्यान्वयन गर्ने प्रतिबद्धता प्राप्त गरी सेवा उपलब्ध गराउने’ भनि गरेको प्रतिबद्धता पत्रसहित विभागमा उपस्थित हुन भनिएको छ । यो व्यवस्था कार्यान्वयन नगर्ने प्रतिष्ठानलाई विभागबाट प्राप्त हुने सेवासमेत उपलब्ध नहुने बताइएको छ ।
यसअघि पत्रकार तथा कामदार सबैको पेरोल बुझाउनु पर्ने बाध्यता रहँदा साना मिडिया हाउसहरुले यसको विरोध गरेका थिए ।