हामी सबैकाे संसारन्यूज

१० साउन, काठमाडौँ । विदेशका अपरिचित नम्बरहरुवाट नेपालमा मोबाइल÷टेलिफोन नम्बरहरुमा बारम्बार कल आउने समस्या बारम्बार देखिएकोे छ ।

यस्ता कलहरुबाट सेवाग्राहीहरु पटक पटक समस्यमा पर्ने गरेका छन् ।

यस विषयमा नेपाल दूरसञ्चार प्राधिकरणको ध्यानाकर्षण जनाउँदै Wangiri Scan (One Ring Scan) भनिने यस्तो मिसकल आएमा फोन नउठाउन र फोन नगर्न सर्वसाधारणमा सचेत गराएको छ ।

विगतमा पनि यस्ता समस्या देखिने गरेको र प्राधिकरणले ग्राहकहरुको जानकारीको लागि सूचना प्रकाशन गर्ने गरेको तथा दूरसंचार सेवाप्रदायकहरुलाई यस्ता समस्याको रोकथामको लागि आवश्यक व्यवस्था गर्न निर्देशन समेत दिएको थियो ।

अपरिचित विदेशी नम्बरहरुबाट नेपालका नम्बरहरुमा मिसकल आउने यस्ता समम्या फेरि पनि देखिएकोले त्यस्ता अपरिचित नम्बरहरुबाट आउने कलहरु नउठान तथा कलब्याक नगर्न र त्यस्ता नम्बरहरुबाट फोन कल आएको खण्डमा प्राधिकरणको ईमेल ठेगाना ntra@nta.gov.np मार्फत जानकारी गराउन सेवाग्राहि समक्ष प्राधिकरणले अनुरोध गरेको छ ।