हामी सबैकाे संसारन्यूज

कतारमा कार्यरत कोही पनि नेपाली अब प्रहरी चारित्रिक प्रमाणपत्रका लागि नेपाल धाउनु नपर्ने भएको छ । दोहा कतारस्थित नेपाली राजदूतावासले सूचना जारी गर्दै कतारमा रहेका नेपालीहरु स्वयंले आफू रहे –बसेकै स्थानबाट प्रहरी चारित्रिक प्रमाणपत्र प्राप्त गर्न सकिने जनाएको छ ।

प्रहरी चारित्रिक प्रमाणपत्र प्राप्त गर्न आवश्यक कागजात संलग्न गरी प्रहरीको (policereport@nepalpolice.gov.np) मा इमेल पठाउनु पर्दछ । उक्त इमेल प्राप्त भएपश्‍चात Criminal Record Check गरी नेपाल प्रहरीको सम्बन्धित शाखाले निवेदन प्राप्त भएको ३ कार्य दिन भित्र प्रहरी चारित्रिक प्रमाणपत्र उपलब्ध गराउने सूचनामा जनाइएको छ ।

निवेदन साथ पेश गर्नुपर्ने कागजातहरु: (Scanned Documents)
क) निवेदन फाराम (Download Here) https://cid.nepalpolice.gov.np/…/pcr-form-for-nepalease-out… 
ख) राहदानीको निम्न पृष्ठको प्रतिलिपी थान १/१:
• पृष्ठ नं. – २, ३ तथा ३१ ।
• अन्तिम पटक नेपाल छोड्दाको राहदानीमा Nepal Immigration ले लगाईदिएको Departure Stamp स्पष्ट भएको पृष्ठ ।
ग) नागरिकताको प्रतिलिपी थान १ ।
घ) विवाहित महिलाको हकमा विवाह दर्ता प्रतिलिपी थान १ ।
ङ) पासपोर्ट साइजको रंगीन फोटो । (Maximum Size up to 200Kb)

थप जानकारीका लागि नेपाल प्रहरीको इमेल chalchalan@nepalpolice.gov.np मा इमेल पठाउन वा +977 01 4412783 मा सम्पर्क गर्न सकिनेछ।

नेपाली राजदूतावास दोहामा प्रहरी चारित्रिक प्रमाणपत्र प्रमाणिकरण गर्नका लागि संलग्न गर्नुपर्ने कागजातहरु  :
– निवेदन (राजदूतावासमा उपलब्ध रहेको) 
– इमेलमा प्राप्त भएको प्रहरी चारित्रिक प्रमाणपत्रको कलर प्रिन्ट – दुई प्रति 
– राहदानीको फोटोकपी-एक प्रति 
– कतारी आइ डीको फोटोकपी – एक प्रति 
– इमेलमा PCC प्राप्त भएको प्रमाण 
– राजस्व दर: कतारी रियाल १८५

यसअघि प्रहरी चारित्रिक प्रमाणपत्रका लागि आफन्तमार्फत निवेदन दिनुपर्ने र प्रमाणपत्र लिँदा आफै उपस्थित हुनुपर्ने अवस्थाबाट कतारमा कार्यरतलाई ठूलो राहत मिलेको छ ।