हामी सबैकाे संसारन्यूज

२९ साउन, काठामडौँ । सिटिजन्स बैंक इन्टरनेसनलले काठमाडौँको मीनभवनस्थित भि एस निकेतन स्कुलमा एटिएम सेवा सञ्चालन गरेको छ ।

मंगलबार आयोजित कार्यक्रममा बैंकका कार्यकारी अधिकृत गणेश राज पोखरेल र भि एस निकेतनका उबिन पोखरेलले संयुक्त रुपमा एटिएमको उद्घाटन गरे ।

”योर पार्टनर फोर प्रोग्रेस” भन्ने नारालाई शिरोधार्य गरी २०६४ सालमा स्थापना गरी बैंकिङ सेवा दिँदै आएको बैंकले आर्थिक वर्ष ७५\७६ मा ७० अर्ब ३५ करोड निक्षेप संकलन तथा ६२ अर्ब ९० करोड रूपैयाँ ऋण प्रवाह गरी दुई अर्ब ८१ करोड ६४ लाख रूपैयाँ ब्याज आम्दानी गरेको बैंकले बताएको छ ।

बैंकले हाल ८१ वटा शाखा ७८ वटा ए.टि.एम र १०० वटा शाखाहित बैंकिङ एकाइमार्फत सेवा प्रदान गर्दै आइरहेको छ ।

यसका साथैे ग्राहकवर्गलाई विभिन्न किसिमका निक्षेप तथा कर्जा सुविधाहरु अनलाइन सुविधा, रेमिट्यान्स् सेवा, बैंक इन्सुरेन्स, आस्वा, ड्राफ्ट, भिसा ए.टि.एम. कार्ड सेवा, भिसा इन्टरनेसनल डलर कार्ड सेवा , साथै कुनै पनि शाखाबाट रकम झिक्न र राख्न सकिने जस्ता सुविधाहरु उपलब्ध गराउँदै आइरहेको पनि प्रेस विज्ञप्तीमा जनाइएको छ ।