Sansar News
अभिनेत्री करिश्मा मानन्धर आफू एक्लै लुकेर पोखरा जाने गरेको बताउँछिन् । प्रकृतिप्रेमी मानन्धर पोरखा पुगेर बेगनास तालमा रमाइलो गर्ने गरेको पनि बताउँछिन् । त्यहाँ उनले माछा मारेर पकाएको खाने गरेको र पानीमा खुट्टा चोवलेर बस्ने गरेको बताउँछिन् ।
उनले नाइट स्टेका लागि कहिलेकाँही नगरकोट जाने गरेको पनि बताउँछिन । माटोको बास्ना मनपर्ने बताउने करिश्माले नयाँपत्रिकासँग भन्छिन्, ‘प्रकृतिसँग घुलमिल हुनु मेरो शोक हो ।’
४५ वर्षीया यी नायिका राजनीतिकर्मी पनि हुन् । नयाँ शक्ति पार्टीकी नेतृ करिश्माले यहि वर्ष एसइई पास गरेर कलेज जान थालेकी छन् ।
सन् २००७ को नोभेम्बरमा उत्कृष्ट अभिनेत्रीको अर्वाड समेत प्राप्त गरेकी करिश्मा सन्तान फिल्मबाट अभियनय क्षेत्रमा प्रवेश गरेकी हुन् । उनले भाउजु, रणभूमि, मायालु, ट्रक ड्रमाइभर लगायतका चलचित्रमा अभियन गरेकी छन् ।
वि.सं.२०७६ भदौ १ आइतवार ०९:५४ मा प्रकाशित
