हामी सबैकाे संसारन्यूज

१ भदौ, काठमाडौं । धनुषा, बारा र पर्सामा आगलागी हुँदा ८५ लाख भन्दा बढीको क्षती भएको छ ।
धनुषाको मिथिला नगरपालिका १ लक्षमीबासस्थित अजित कुमार झाको सुपर खुश्वु ब्राण्डको दालमोठ उत्पादन हुने चिप्स उद्योगमा आगलागी भएको हो ।

शनिबार साँझ बिजुली सर्ट भई आगलागी हुँदा करिब ८० लाख रुपैयाँ बराबरको धनमाल जलेर नष्ट भएको छ ।

त्यस्तै बारा, जितपुर सिमरा उपमहानगरपालिका ५ लल्कापुलस्थित चकलेट फ्याक्ट्रीको गोदाममा आगलागी भएको छ ।

करेण्ट सर्ट भई आगलागी हुँदा करिब ५ लाख रुपैयाँ बराबरको धनमाल जलेर नष्ट भएको छ ।
यसैगरी पर्सा, बहुदरमाई नगरपालिका ७ भौराटारका रजाक मिया अंसारीको घरमा आइतबार बिहान अचानक आगलागी हुँदा करिब २ लाख रुपैयाँ बराबरको धनमाल नष्ट भएको छ ।

स्थानीयबासी र दमकलको सहयोगमा आगो नियन्त्रणमा लिएको थियोे । यस सम्बन्धमा प्रहरीले थप अनुसन्धान गरिरहेको बताइएको छ ।