back

सरकारले तीन दिनभित्र संविधान संशोधन प्रस्ताव दर्ता गर्ने

वि.सं.२०७३ मंसिर ८ बुधवार

147 

shares
NTC AD
Global IME AD

८ मङ्सिर,काठमाडौँ । सरकारले आगामी तीन दिनभित्र संविधान संशोधनको प्रस्ताव व्यवस्थापिका–संसद्मा दर्ता गराउने भएको छ ।

मधेसी मोर्चासहितको सङ्घीय गठबन्धनसँगको सहमतिपछि सरकारले संशोधन दर्ता गराउने भएको हो ।

प्रधानमन्त्री निवास बालुवाटारमा आज बिहान बसेको सत्ता साझेदार दल र गठबन्धनको बैठकले संशोधन दर्ता गर्ने सहमति गरेको थियो ।

दुवै पक्षबीच प्रदेश सीमाङ्कन, भाषा, राष्ट्रियसभामा प्रतिनिधित्व विषय र नागरिकतालगायत प्राविधिक विषयसमेत समेटेर संशोधन प्रस्ताव दर्ता गराउने समझदारी भएको छ ।

सरकारले सत्तारुढ पार्टीसँग भएको छलफल र समझदारीका आधारमा संशोधन प्रस्ताव दर्ता गराउने सहमति भएको सत्ता नेतृत्वकर्ता दल नेकपा (माओवादी केन्द्र) का सचिव वर्षमान पुनले सञ्चारकर्मीलाई जानकारी दिनुभयो ।

“सरकारले सत्तारुढ पार्टीसँग भएको छलफलको आधारमा संशोधन प्रस्ताव संसद्मा लैजाने समझदारी भएको छ, अब, मस्यौदा प्रक्रिया सरकारले अघि बढाउँछ,”–उहाँले भन्नुभयो ।

संविधान संशोधनबारे मोर्चासँगको छलफल अत्यन्तै सकारात्मक भएको र छिट्टै संशोधन प्रस्ताव दर्ता गराउने समझदारी भएको भौतिक पूर्वाधार तथा यातायात व्यवस्थामन्त्री रमेश लेखकले बताउनुभयो ।

उहाँले भन्नुभयो– “तीन पक्षको सौहार्दपूर्ण र सकारात्मक छलफलले संविधानको स्वीकार्यतालाई सुनिश्चित गरेर निर्वाचन गर्ने दिशातर्फ मुलुक जान्छ भन्ने विश्वास पैदा गरेको छ, त्यसैअनुसार संविधान संशोधन गर्ने सहमति भई दुई÷तीन दिनभित्र नै संशोधनको प्रस्ताव दर्ता हुन्छ ।”

उक्त प्रस्तावमा गठबन्धनले पनि सकारात्मक प्रतिक्रिया दिएको छ । यद्यपि, उसका केही असमझदारीलाई ‘नोट अफ डिसेन्ट’ का रुपमा राखेर संविधान कार्यान्वयनको दिशामा दल अघि बढ्ने दुवै पक्षले प्रतिक्रिया दिएका छन् ।

गठबन्धनको एक घटक तराई–मधेस लोकतान्त्रिक पार्टीका वरिष्ठ उपाध्यक्ष हृदयश त्रिपाठीले संविधान संशोधन प्रस्ताव दर्ता गरिने प्रस्ताव सकारात्मक भएकाले आफूहरुले स्वीकार गरेको बताउनुभयो ।

“सरकारले कम्तीमा संशोधनको प्रस्ताव दर्ता गराउनु सकारात्मक कुरा हो, विभिन्न भाका र बहाना गर्नुभन्दा त यो सकारात्मक छ, प्रधानमन्त्रीजीले समय खड्किसकेकाले संविधान संशोधनको प्रस्ताव दर्ता गराउने पुनः प्रतिबद्धता जनाउनुभयो । चार वटा विषयमा प्रस्ताव दर्ता हुन्छ, हामीलाई विश्वास छ, कमसेकम हाम्रो चासो सम्बोधन हुनेछ,”–उहाँले भन्नुभयो ।

प्रमुख प्रतिपक्षी दल एमालेको असहमतिका बीच सरकारले संशोधन प्रस्ताव दर्ता गराउने प्रक्रिया अघि बढाएको हो । तथापि, उक्त प्रस्तावबारे प्रतिपक्षीसँग छलफल गरेर अघि बढ्ने सत्तापक्षको भनाइ छ ।

माओवादी केन्द्रका सचिव वर्षमान पुनले संशोधन प्रस्ताव दर्ता भइसकेपछि विपक्षी दलसँग छलफल अघि बढाइने बताउनुभयो ।

उहाँका अनुसार संविधान निर्माणका क्रममा नेपाली काँग्रेस र नेकपा (एमाले) ले प्रस्तुत गरेको सात प्रदेशको खाकालाई आधार मानेर सङ्घीय संरचना बनाइनेछ । मुख्य आधारको रुपमा नवलपरासी नवलपुर र परासीको रुपमा पहिले नै संविधानमा व्यवस्था भइसकेकाले त्यसलाई नचलाउने, त्यतिखेर रोल्पा र रुकुमलाई छैटौँ प्रदेशमा प्रस्ताव गरिएकोमा अहिले पाँचौँ प्रदेशमा गाभिने छ । गुल्मी, पाल्पा, अर्घाखाँची, रोल्पा र प्युठान एउटै प्रदेश (प्रदेश नं चार वा छ) मा रहन्छन् ।

सीमाङ्कनबारे अन्य जनताको चाहना, आवश्यकता र सुझावबमोजिम सङ्घीय आयोगमार्फत सम्बोधन हुनेगरी संविधान कार्यान्वयन र निर्वाचन प्रक्रियालाई क्रमिकरुपमा अघि बढाउने दलीय समझदारी बनेको नेता पुनले उल्लेख गर्नुभयो ।

बैठकमा प्रधानमन्त्रीसमेत रहनुभएका माओवादी केन्द्रका अध्यक्ष पुष्पकमल दाहाल, नेपाली काँग्रेसका सभापति शेरबहादुर देउवासहितका नेता तथा गठबन्धनका तर्फबाट शीर्ष नेताको सहभागिता थियो । रासस

वि.सं.२०७३ मंसिर ८ बुधवार ०९:३४ मा प्रकाशित

NLIC AD
NABIL bank AD
नवनियुक्त महालेखापरीक्षक रायाद्वारा सपथ ग्रहण

नवनियुक्त महालेखापरीक्षक रायाद्वारा सपथ ग्रहण

काठमाडौँ । नवनियुक्त महालेखापरीक्षक तोयम रायाले आज राष्ट्रपति भवन शीतल...

सुदूरपश्चिम प्रदेशको मुख्यमन्त्रीमा नेकपा एसका सोडारीको दाबी

सुदूरपश्चिम प्रदेशको मुख्यमन्त्रीमा नेकपा एसका सोडारीको दाबी

काठमाडौं । सुदूरपश्चिम प्रदेशको मुख्यमन्त्रीमा नेकपा एकिकृत समाजवादीका दीर्घ सोडारीले...

नेप्से परिसूचक निरन्तर ओरालोतर्फ, यी हुन् शीर्ष पाँचभित्र पर्न सफल कम्पनी

नेप्से परिसूचक निरन्तर ओरालोतर्फ, यी हुन् शीर्ष पाँचभित्र पर्न सफल कम्पनी

काठमाडौँ । धितोपत्र बजारमा शेयर कारोबार मापक नेप्से परिसूचक आज...

लुम्बिनी प्रदेशको मन्त्रिपरिषद् विस्तार, को–को बने त मन्त्री ?

लुम्बिनी प्रदेशको मन्त्रिपरिषद् विस्तार, को–को बने त मन्त्री ?

काठमाडौं । लुम्बिनी प्रदेशका मुख्यमन्त्री जोखबहादुर महराले मन्त्रिपपरिषद् विस्तार गरेका...

कांग्रेस सभापति देउवा र नेकपा एसका अध्यक्षबीच भेट, बन्लान् त सोडारी मुख्यमन्त्री ?

कांग्रेस सभापति देउवा र नेकपा एसका अध्यक्षबीच भेट, बन्लान् त सोडारी मुख्यमन्त्री ?

काठमाडौं । नेपाली कांग्रेसका सभापति शेरबहादुर देउवा र नेकपा समाजवादी...

सल्यान बस दुर्घटना अपडेटः गम्भीर घाइते भएका विकको मृत्यु

सल्यान बस दुर्घटना अपडेटः गम्भीर घाइते भएका विकको मृत्यु

दाङ । सल्यानमा बुधबार भएको बस दुर्घटनामा परी घाइते भएका...