Logo
८ कार्तिक २०७८, सोमबार
     Mon Oct 25 2021
E-paper
  English Edition
   Unicode
Logo

रङ्गशाला बनाउन विदेशमा बस्ने चितवनेद्वारा आर्थिक सङ्कलन अभियान, १० लाख सङ्कलन



८ मङ्सिर,रत्ननगर (चितवन) । चितवन नगरपालिकामा रङ्गशाला निर्माणका लागि विदेशमा बस्ने चितवनका वासिन्दाले सामाजिक सञ्जालमार्फत आर्थ सङ्कलन अभियान सुरु गरेका छन् ।

गैर आवासीय नेपाली सङ्घ अन्तर्राष्ट्रिय समन्वय परिषद् (एनआरएनए) का केन्द्रीय सदस्य सोमप्रसाद सापकोटाको नेतृत्वमा सामाजिक सञ्जालमार्फत सो अभियान थालिएको हो ।
यही शनिबारबाट सुरु भएको अभियानमा आजसम्म रु १० लाख सङ्कलन भएको अभियानका अन्तर्राष्ट्रिय संयोजक सापकोटाले जानकारी दिनभयो । उहाँका अनुसार एक महिनासम्म सञ्चालन हुने सो अभियानका लागि विभिन्न देशमा संयोजक समेत तोकिएको छ ।

सो अभियानका लागि मिडिया संयोजक विष्णु चापागार्इँलाई तोकिएको छ । कतार संयोजकमा प्रकाश अर्याल, युएईमा गणेश न्यौपाने र सुनिल पौडेल, बहराइनमा वेदराज पौडेल, इजरायलमा शान्ता ज्ञवाली र नयन सापकोटा, मलेसियामा रवी भट्टलाई संयोजक तोकिएको छ ।

यस्तै कुबेतमा डिबि लोप्चन र नवीन लोप्चन, साइप्रसमा जोशु पुन मगर र कविता ढकाल, कोरियामा सुलभ पोखरेल र दिलकुमार श्रेष्ठ, आयरल्यान्डमा चेतराज वली, चेक रिपल्लिकमा जीतेन्द्र रायमाझी तथा बेल्जियममा कृष्णप्रसाद रेग्मीलाई संयोजक तोकिएको छ ।

चितवन युवा समूह अन्तर्राष्ट्रिय समन्वय समितिको संयोजनमा थालिएको अभियानमा सहयोग पु¥याउन अपिल गरिएको समितिका अध्यक्ष मुक्तिप्रसाद अधिकारीले बताउनुभयो ।

रङ्गशालाका लागि आर्थिक रकम सङ्कलनपछि तुरुन्तै भरतपुरस्थित प्रदर्शनी केन्द्र निर्माणका लागि अभियान चलाइने उहाँले बताउनुभयो ।

नेपाल सरकारको एक निर्वाचन क्षेत्रमा एक खेलकुद मैदान बनाउने अवधारणाअनुसार यहाँ निर्माण सुरु भएको खेलकुद मैदानका लागि करिब रु तीन करोड खर्च लाग्ने अनुमान छ ।

चित्रवन रङ्गशाला निर्माण समिति र चित्रवन युवा तथा खेलकुद विकास समितिले चित्रवन नगरपालिका–५ गौचरनमा १० बिगाहा क्षेत्रमा रङ्शाला शिलान्यास गरेर निर्माण थालेको हो ।

हाइजम्प, लङजम्प, फुटबल, भलिबल कोर्ट निर्माण भइसकेको रङ्गशाला निर्माण समितिका अध्यक्ष टुकमान गुरुङले जानकारी दिनुभयो । ‘सर्वदलीय निर्णयबाटै काम थालिएको छ, गुरुङले भन्नुभयो, सरकारबाट रु १५ लाख सहयोग समेत आइसक्यो ।”

जिल्ला खेलकुद विकास समितिका अध्यक्ष गङ्गा लामाले क्षेत्रीयस्तरको रङ्गशालाका लागि समितिमार्फत पनि सहयोग सङ्कलन भइरहेको बताउनुभयो । यहाँ ९५ मिटरको प्याराफिट बनाइने छ । करिब तीन हजारदर्शक अट्ने गरी रङ्गशाला निर्माण थालिएको निर्माण समितिले जनाएको छ । रासस


यो खबर पढेर तपाईलाई कस्तो महसुस भयो ?

काठमाडौं । नेपाल पत्रकार महासंघ हङकङका अध्यक्ष किसन राईको भिरबाट लडेर निधन भएको छ

काठमाडौं । मौसम पूर्वानुमान महाशाखाले आज दिउँसो प्रदेश नं १, प्रदेश नं २, बाग्मती

सिन्धुपाल्चोक । मेलम्ची नगरपालिका–१० सिम्लेफाँटका नेत्रप्रसाद दाहालको हत्या गरी फरार रहेको आरोपमा दुई व्यक्ति

काठमाडौं । स्याङ्जा जिल्ला चापाकोट नगरपालिकाका मेयरमा नेपाली कांग्रेशका पुराना कार्यकर्ता शिव कुमार गिरी