हामी सबैकाे संसारन्यूज

नेपाली महिला समुह सललाह ओमानले घाइते मनिता टुडुलाई  १८५ ओमानी रियल ( ५१,१११ रुपैयाँ) आर्थिक सहयोग गरेको छ ।
मनिता कार्यरत घरमा बिजुली सर्ट भएर आगो लागेपछि  ज्यान बचाउन झ्यालबाट हाम फालेर ज्यान बचाएकी मनिताको हाम फाल्ने क्रममा  बाया हात भाचिनुका साथै  मेरुदण्डमा गम्भीर चोट लागेको थियो ।
महिला समुह ओमानका सदस्यहरुबाट संकलन गरिएको उक्त रकम सललाहको हाडिका गार्डनमा नोभेम्बर ७  का दिन  एक कार्यक्रमको आयोजना गरेर समुहकी अध्यक्ष शान्ता केसीबाट  टुडुलाई हस्तान्तरण गरिएको थियो ।
त्यस्तै समुहकी उपाध्यक्ष अन्जु ओझा, सचिव कमला लामा, सहसचिव सरिता विक,  कोषाध्यक्ष सोनी लामा र सदस्यहरु निशा श्रेष्ठ, विष्णु राना,  उषा शाही,  उत्रा अधिकारी, कमला परियार, शिला परियार, सल्लाहकार सागर अधिकारी  र रामचन्द्र सुवेदी लगायत अन्य उपस्थिति   दाजुभाइ दिदीबहिनीहरुमा  राजु श्रेष्ठबाट ५ रीयल र राममत्ती आलेबाट २ रीयल  सहित सबै सहयोगी मनहरुबाट  उक्त १८५ रीयल रकम संकलन गरिएको थियो ।

सलाहमा रहेको सुल्तान काबुस अस्पतालमा झण्डै १९ दिन उपचार गरेर डिस्चार्ज गरिएकी उनी हिडडुल गर्न नसक्ने अवस्थामा छन् ।  अस्पतालबाट डिस्चार्ज  गरेर उनलाई किरण भण्डारीको  घरमा राखेर  केहि  बिसेक भएपछि नेपाल पठाउने तयारी भएको छ  ।  टुडु पुर्ण रुपमा निको नभइसकेको र थप उपचार गर्नुपर्ने हुनाले  उनलाई सहयोग गरिएको समुहकी अध्यक्ष शान्ता केसीले संसारन्युजलाई जानकारी दिईन् ।
टुडुको जीवन बिमा नगरिएको कारण बीमा  वापतको रकम प्राप्त गर्न  सकेकी छैनन् ।