Sansar News
२० भदौ, काठमाण्डौं । जिम्बाबेका पूर्वराष्ट्रपति रोर्बट मुगावेको उपचारका क्रममा निधन भएको छ । सिंगापुरमा उपचार गराइरहेका उनको शुक्रबार बिहान ९५ वर्षको उमेरमा निधन भएको हो ।
जिम्बाबेका राष्ट्रपति एमर्सन म्नान्गवाले यसको जानकारी दिएका हुन् ।
अन्तराष्ट्रिय संचारमाध्यमका अनुसार एमर्सनले ट्विट गर्दै भनेका छन् ‘धेरै दुःखका साथ घोषणा गरिरहेको छु कि जिम्बाबेका संस्थापक पूर्वराष्ट्रपति रोर्बट मुगाबेको निधन भएको छ ।’
उनले मुगाबे स्वतन्त्रताको आदर्श रहेको बताउँदै भनेका छन्, ‘उनले आफ्ना देशवासीको स्वतन्त्रता र ससक्तिकरणका लागि आफूलाई समर्पित गरेका थिए ।’
राष्ट्रपति मुगावेका परिवारले बिबिसीसँग पृष्टि गरेका छन् कि उनको शुक्रबार बिहान सिंगापुरको एक अस्पतालमा निधन भएको हो । उनलाई लामो समयदेखि रहेको बिमारका कारण अस्पतालमा भर्ना गरिएको थियो ।
वि.सं.२०७६ भदौ २० शुक्रवार १४:१५ मा प्रकाशित
