हामी सबैकाे संसारन्यूज

२० भदौ, काठमाण्डौं । देशैभरी डेंगुको संक्रमण बढ्न थालेपछि चन्द्रागिरी नगरपालिका वडा नम्बर १५ ले डेंगुबाट बचौ भन्दै सूचना जारी गरेको छ ।

डेंगुबाट बच्ने उपायसहित नगरपालिकाले बुधबार उक्त सूचना जारी गर्दै सबैलाई सचेत बनाएको हो ।

‘काठमाण्डौं उपत्यकाको विभिन्न भागमा लामखुट्टको टोकाईबाट सर्ने डेंगु रोगको प्रकोप फैलिएको छ । आवाज ननिकाल्ने अत्यन्त सानो अकारको लामुखुट्टेले दिउँसो टोक्दा यो रोग सर्दछ,’ वडाअध्यक्ष उत्तम बहादुर राउतले जारी गरेको सूचनामा भनिएको छ, ‘डेंगुबाट बच्न यी उपायहरु अपनाउन सम्पूर्ण वडाबासीमा अनुरोध छ ।’

बच्ने उपायहरु
१ यी लामखुट्टेहरु सफा पानीमा हुर्कने हुनाले घरभित्र बाहिर पानी जमाएर नराख्ने । पानीमा हावा नर्छिने गरी बिक्रो लगाउने वा टम्म छापेर राख्ने ।
२- जम्म गरेको पानी कम्तिमा २ दिन भित्रमा खर्च गरी सक्ने ।
३- भाडाकुँडा घोप्ट्याएर राख्ने ।
४-गमलामुनीको प्लेटमा पानी जम्न नदिने ।
५-बरण्डा छतमा पानी जमेको भए बढारेर फ्याक्ने ।
६ -बाथरुम, कमोड, प्यानमा बराबर फ्लस गर्ने । ७- झ्याल ढोकामा जाली लगाउने ।
७-दिउँसो सुत्दा झुल टाँगेर सुत्ने ।
८- बारीमा काम गर्न जादा पूरा बाहुला भएको लुगा लगाउने वा नटोक्ने मल्हम लगाउने ।